U 2016 hodzie ekspartnyja pastaŭki biełaruskich naftapraduktaŭ źnizilisia ŭ fizičnym vyražeńni na 23% i skłali 13 młn ton, śviedčać papiarednija statźviestki ab vynikach źniešniaha handlu.U hrašovym vyražeńni ekspart naftapraduktaŭ skłaŭ ŭ 2016 hodzie 4 młrd dołaraŭ i skaraciŭsia (na fonie źnižeńnia suśvietnych cen na naftu) prykładna na 40% u paraŭnańni z anałahičnym pieryjadam papiaredniaha hoda.
Varta adznačyć, što hieahrafičnaja struktura ekspartu biełaruskich naftapraduktaŭ u 2016 hodzie źviedała prykmietnyja źmieny. Tak, kali ŭ 2015 hodzie Biełaruś ekspartavała va Ukrainu 3,2 młn ton naftapraduktaŭ, to ŭ 2016-m — 4,3 młn ton, heta značyć na tracinu bolš. Letaś taksama pavialičylisia na tracinu pastaŭki naftapraduktaŭ u Niderłandy i amal u try razy — u Polšču.
U toj ža čas u Rasiju Biełaruś ekspartavała mienš za 300 tys. ton naftapraduktaŭ i źniziła pastaŭki na ŭschodni rynak na 70% u paraŭnańni z 2015 hodam.
Biełaruskija ŭłady tłumačyli letaś skaračeńnie pastavak naftapraduktaŭ na rasijski rynak tym, što pa cenavych umovach realizacyja biełaruskaha paliva ŭ Rasii niavyhadnaja.
U svaju čarhu rasijskija ŭłady, spasyłajučysia na raniej padpisanyja pahadnieńni ź Biełaruśsiu, nastojvali na tym, kab na rasijski rynak było pastaŭlena 1 miljon ton aŭtabienzinaŭ.
U suviazi z tym, što Maskvie i Minsku pa hetym pytańni nie ŭdałosia znajści kampramisu, a taksama z-za hazavaj sprečki ŭrad Rasii pryniaŭ rašeńnie rezka skaracić pastaŭki nafty ŭ Biełaruś.
U 2016 hodzie Rasija, zhodna ź pieršapačatkovymi damoŭlenaściami, pavinna była pastavić u Biełaruś 24 młn ton nafty. U pieršaj pałovie hoda ŭ krainu štokvartalna pastupała prykładna 5,5 młn ton nafty. Adnak z druhoha paŭhodździa pastaŭki byli skaročanyja — spačatku da 3,5 młn ton u kvartał, a ŭ čaćviortym kvartale — da 3 młn ton.
Pieramovy pamiž Maskvoj i Minskam ab umovach ŭrehulavańnia naftahazavaj sprečki doŭžylisia praktyčna ŭvieś 2016 hod, adnak kankretnych vynikaŭ nie mieli.
Varta adznačyć, što skaračeńnie pastavak rasijskaj nafty ŭ Biełarusi ŭžo pryviało da prykmietnaha źnižeńnia pierapracoŭki vuhlevadarodnaj syraviny na biełaruskich NPZ. Tak, Mazyrski NPZ ŭ 2016-m pierapracavaŭ pryblizna 10 młn ton nafty, što na 20% mienš u paraŭnańni z uzroŭniem 2015 hoda.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim15
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary