Pachod «Kuźniacova» ŭ Siryju kaštavaŭ Maskvie jak minimum $125 młn
Ad $125 miljonaŭ da $170 miljonaŭ vydatkavała Maskva na pachod avijanosnaj hrupy na čale z «Admirałam Kuźniacovam», paviedamlaje RBK.
Pa mierkavańni ekśpiertaŭ, samaj vialikaj strataj dla krainy stali dva samaloty marskoj avijacyi — źniščalniki MiH-29K i Su-33.
Dva samaloty kaštavali Maskvie ad $76 młn da $114 młn, astatnija vydatki — charčavańnie dla ekipažaŭ karabloŭ, paliva, bojeprypasy.
U siarednim, pa mierkavańni ekśpiertaŭ, kožny z 420 bajavych vyletaŭ marskoj avijacyi kaštavaŭ prykładna $60 tysiač.
Adnak, pakolki nieviadoma, kolki bomb i rakiet skinuli marskija samaloty ŭ Siryi, realny košt bajavych vyletaŭ moža być značna vyšejšym. Taksama nieviadoma, jak daloka latali pałubnyja źniščalniki, što nie dazvalaje dakładna padličyć kolkaść vydatkavanaha paliva.
Nie padličanyja taksama budučyja straty praz amartyzacyju karabloŭ i samalotaŭ.
U siryjski pachod hrupa karabloŭ Paŭnočnaha fłotu RF vyjšła 15 kastryčnika 2016 hoda. U jaje skład uvajšli avijanosiec «Admirał Kuźniacoŭ», ciažki atamny rakietny krejsier «Piotr Vialiki», vialikija supraćčoŭnavyja karabli «Sievieramorsk» i «Vice-admirał Kułakoŭ», a taksama sudny zabieśpiačeńnia — tankiery, buksiry i h.d. Viarnulisia karabli na bazy na pačatku lutaha 2017 hoda.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary