SpaceX apublikavała videa z vyprabavalnaha tunela Hyperloop
Kampanija Iłana Maska SpaceX pakazała na videa, jak vyhladaje vyprabavalny ŭčastak tunela dla vakuumnych zvyšchutkasnych ciahnikoŭ Hyperloop. Jon znachodzicca ŭ Kalifornii kala štab-kvatery SpaceX, i jaho daŭžynia składaje 1,6 km. Z 27 pa 29 studzienia 27 kamand udzielničali ŭ konkursie Hyperloop Pod Competition, na jakim jany vypraboŭvali svaje pratatypy vakuumnych ciahnikoŭ.
Kamiera, jakaja zdymała vyprabavalny tunel, znachodziłasia na śpiecyjalnym vazku, jaki vykarystoŭvaŭsia dla vyprabavańnia pratatypaŭ. Ułasnaje videa tunela źniała i kamanda Masačusieckaha technałahičnaha instytuta.
Siarod pieramožcaŭ akazałasia 6 kamand.
Samuju vialikuju kolkaść bałaŭ nabrała kamanda Dełfckaha techničnaha ŭniviersiteta (Niderłandy). Hetaja ž kamanda pieramahła ŭ naminacyi «Dyzajn i kanstrukcyja».
U katehoryjach «Chutkaść» i «Pradukcyjnaść» pieramoh Miunchienski techničny ŭniviersitet (Hiermanija).
Samym biaśpiečnym i nadziejnym ciahnikom byŭ prajekt Masačusieckaha technałahičnaha instytuta (ZŠA).
U katehoryi «Pradukcyjnaść u apieracyjach» pieramoh ciahnik kamandy Univiersiteta štata Meryłend. A samymi inavacyjnymi prajektami žury pryznała ciahniki kampanii «Reddit» i Univiersiteta Viskonsina.
Prajekt Hyperloop byŭ prezientavany Iłanam Maskam u 2012 hodzie. Płanujecca, što chutkasnyja ciahniki Hyperloop buduć pieramiaščacca ŭ śpiecyjalnych trubach z panižanym ciskam z chutkaściu da 1200 kiłamietraŭ u hadzinu. Tuneli płanujecca prakładvać jak pad ziamloj, tak i raźmiaščać na pavierchni na śpiecyjalnych estakadach.
Kamientary