Vice-premjer Kalinin pra taryfy ŽKH: Kali dachody rastuć, jość usie padstavy pavysić
Košt žyllova-kamunalnych pasłuh pavinien adpaviadać dachodam nasielnictva, zajaviŭ 10 lutaha namieśnik premjer-ministra Biełarusi Anatol Kalinin padčas vynikovaj kalehii Ministerstva žyllova-kamunalnaj haspadarki. Pra heta paviedamlaje pres-słužba ŭrada.
«U našaj krainie kiraŭnik dziaržavy pravodzić palityku ŭvažlivaha staŭleńnia da nasielnictva. I košt kamunalnych pasłuh pavinien adpaviadać dachodam. Kali dachody rastuć, jość usie padstavy pavialičyć, u advarotnym vypadku — nie», - adznačyŭ Anatol Kalinin.
Jon nahadaŭ, što ŭ pačatku hoda płanava taryfy na ŽKP u sukupnaści pavialičylisia na 11 rubloŭ. «Patrabavańnie vykananaje. Nijakich uzrušeńniaŭ nie budzie», — padkreśliŭ vice-premjer.
Pavodle jaho słoŭ, asnoŭnaja zadača na 2017 hod — pavysić efiektyŭnaść i panizić vydatki. «Reziervy ŭ nas vielizarnyja. Vialikaja rabota praviedziena ŭ 2016 hodzie, u 2017-m treba budzie jašče bolš zrabić dla źnižeńnia vydatkaŭ», — adznačyŭ Anatol Kalinin.
Vice-premjer kanstatavaŭ, što ŭ bližejšy čas zapłanavana narada ŭ prezidenta, na jakim buduć razhladacca vyniki pracy ŭ śfiery ŽKH i dośvied Minska pa refarmavańni sistemy. «My rychtujemsia surjozna da narady, pavinny pakazać novyja rubiažy, na jakija aryjentavany ŭrad i Minski harvykankam. Jość šmat stanoŭčaha, ale jość i niedachopy», - kanstatavaŭ Anatol Kalinin.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka9
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary