U minskim vydaviectvie «Alfa-kniha» ubačyła śviet kniha, pryśviečanaja małaviadomym staronkam biełaruskaj vajskovaj historyi, a mienavita ŭdziełu biełarusaŭ u składzie Polskaha vojska na Zachadzie (PSZ) u vyzvaleńni Italii i Hałandyi ad nacystaŭ padčas Druhoj suśvietnaj vajny. Nakład novaha vydańnia — 300 asobnikaŭ.
U savieckija časy pra hetych ludziej na radzimie nie ŭzhadvali. Paźniej, kali Biełaruś stała niezaležnaj, historyki zrabili sproby daśledavać hetuju prablematyku. Vyjšła niekalki knih, publikavalisia artykuły, adnak ź imi ŭ asnoŭnym znajomilisia, admysłoŭcy, a tema zastavałasia pa-za ŭvahaj šyrokich słajoŭ biełaruskaha hramadstva.
U novaj knizie kandydat histaryčnych navuk Ihar Mielnikaŭ praanalizavaŭ historyju Bitvy pad Monte-Kasina i apieracyi «Markiet-Harden» u Hałandyi ŭ 1944 h., źviarnuŭ uvahu na bijahrafii zvyčajnych žaŭnieraŭ, jakija naradzilisia u Biełarusi i ŭdzielničali ŭ zhadanych bajavych dziejańniach. Akrom taho, u hetym vydańni ŭpieršyniu ŭ Biełarusi apisany asablivaści ŭniformy, ryštunku i ŭzbrajeńnia žaŭnieraŭ Druhoha polskaha korpusu i Pieršaj polskaj pavietrana-desantnaj bryhady.
Varta adznačyć, što kniha «Zabytyja hieroi. Žaŭniery ź Biełarusi ŭ Druhim polskim korpusie i Pieršaj polskaj asobnaj pavietrana-desantnaj bryhadzie» bahata ilustravana zdymkami z kalekcyi aŭtara i roznych archivaŭ.
Siońniašnim biełarusam varta zrazumieć, što los biełaruskich andersaŭcaŭ i desantnikaŭ bryhady Sasaboŭskaha — heta važnaja i nieadjemnaja staronka vajskovaj historyi Biełarusi. Hieraizmam hetych ludziej varta hanarycca i pamiatać tych, chto pakłaŭ svajo žyćcio i zdaroŭje na ałtar pieramohi nad nacyzmam.
Prezientacyja novaj knihi Ihara Mielnikava adbudziecca ŭ Biznes-kłubie «Imahuru» (Minsk, vuł. Fabrycyŭsa, 4, zala «Nordic»), 14 lutaha 2017 hoda ŭ 18-30. Uvachod volny
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary