Zdymaju psotu z dapamohaj jajka i ručnika: jak machlar padmanuŭ miedsiastru
U vilejskuju milicyju źviarnułasia žančyna, u jakoj machlar padmanam zabraŭ 50 rubloŭ.
Žančyna žyvie na Vilejščynie, pryjazdžaje na pracu ŭ balnicu ŭ Ilji.
U adzin ź dzion, kali miedsiastra była na pracy, u balnicu zajšoŭ mužčyna. Jon skazaŭ, što drenna siabie adčuvaje, spytaŭ u miedsiastry, dzie znajści doktara.
Pačałasia razmova. Nieznajomiec zadavaŭ pytańni, uvachodziačy ŭ davier da žančyny.
Narešcie, jon paviedamiŭ miedsiastry pra toje, što na jaje blizkich naviali psotu. I ŭ bližejšyja dni z kimści z členaŭ jaje siamji pavinna zdarycca niešta kiepskaje. Žančyna, viadoma, zachvalavałasia.
Adnak nieznajomiec supakoiŭ jaje. Skazaŭ, što jon moža źniać psotu. Dla hetaha patrebnyja dva jajki i ručnik. A jašče śpiecyjalnaja kniha, jakaja kaštuje 50 rubloŭ.
Jajki i ručnik znajšlisia chutka. A hrošy žančyna pazyčyła ŭ svaich kaleh. Nieznajomiec usio heta zabraŭ i syšoŭ, byccam by zdymać psotu.
Praź niekatory čas žančyna raskazała pra zdareńnie kaleham. Tyja rastłumačyli, što nieznajomiec padmanuŭ jaje.
Tady žančyna i źviarnułasia ŭ milicyju. U vilejskim Śledčym kamitecie zaviali kryminalnuju spravu pa artykule «Machlarstva». Nieznajomca pakul nie znajšli.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary