Hałoŭny redaktar «Narodnaj voli» Iosif Siaredzič raspavioŭ «Našaj Nivie», pra što jon razmaŭlaŭ siońnia na sustrečy z Alaksandram Łukašenkam.
Sp. Siaredzič zaznačyŭ, što vystupiŭ siońnia advakatam niezaležnych ŚMI.
«Prablema, jakaja isnavała apošnija hady z rehijanalnymi hazietami, ad siońnia źnikaje. Łukašenka skazaŭ mnie: «Možaš adkryta skazać svaim kaleham, što bolš jaje nie budzie».
«Barysaŭskija naviny» i «Hazieta Słonimskaja» ciapier atrymajuć dostup u kijoski dy padpisnyja katałohi.
Pa słovach Siaredziča, «Narodnaja vola» budzie i dalej trymacca taho kursu, jakoha trymałasia.
«Dla nas samaje hałoŭnaje — adstojvać demakratyčnyja kaštoŭnaści, pravy čałavieka, svabodu słova. My — za pluralizm. Navošta ŭsio mianiać? My ž nie budziem siońnia padmianiać «Sovietskuju Biełoruśsiju» ci inšuju aficyjnuju hazietu? «Narodnaja vola» zastajecca «Narodnaj volaj».
Hałoŭny redaktar «Narodnaj voli» kaža, što nie išoŭ damaŭlacca z Alaksandram Łukašenkam. «Maja sprava była — vykazać svajo bačańnie raźvićcia padziej Biełarusi, jakim čynam usim nam, biełarusam, nie dapuścić niejkich dramatyčnych padziej na našaj ziamli, kab tut nie pałychnuła ničoha, kab nie było vajny i kryvavych razborak».
«Ja ŭspomniŭ taho ž Jaruzelskaha. U krytyčny čas dla palakaŭ Jaruzelski inicyjavaŭ nacyjanalny polski kruhły stoł. Ja dumaju, što nad hetaj prapanovaj zadumajecca i Łukašenka, i ja nie vyklučaju, što takaja mahčymaść budzie. Treba sadzicca i spakojna vyrašać», — reziumavaŭ Siaredzič.
Apytanka
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary