Žychary hreckaj vyspy Lesbas nie zmahli dabicca sudovaj zabarony na vykarystańnie adnoj z arhanizacyj, što abaraniaje pravy seksualnych mianšyniaŭ, terminu «leśbijski»
Pazoŭ inicyjavaŭ vydaviec Dzimitryu Łambroŭ. Jon miarkuje, što vykarystańnie słova ŭ seksualnym kantekście — dla vyznačeńnia katehoryi žančyn — parušaje pravy žycharoŭ vyspy i dyskredytuje ich.
Pavodle jaho słovaŭ, takaja sytuacyja stvaraje prablemy ŭ štodzionnym žyćci žycharoŭ vyspy Lesbas.
Na vyśpie — treciaj pavodle pamieraŭ u Hrecyi — pražyvaje kala 100 tys. čałaviek, vychadcami z vyspy ličać siabie jašče 250 tys. čałaviek.
Adnak sud u Afinach paličyŭ dovady pazoŭščyka nie pierakanaŭčymi i pazoŭ adchileny Ciapier Dzimitryu Łambroŭ daviadziecca zapłacić 230 eŭra sudovych vydatkaŭ.
«Dla leśbijanak va ŭsim śviecie heta vielmi dobraje i pravilnaje rašeńnie» — kaža advakat Sajuzu hiejaŭ i leśbijanak Hrecyi Vasilis Čyrdarys.
Termin «Leśbijskaje kachańnie» atrymała nazvu ad hreckaj vyspy Leśas, dzie, pavodle lehiendaŭ naradziłasia staražytnahreckaja paetka Sapfo. Jaje vieršy, napisanyja ŭ 7 st. da n.e., niaredka usŭprymali jak uschvaleńnie adnapołaha kachańnia pamiž žančynami.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary