Staražytnyja manety znajšła na svaim prysiadzibnym učastku žycharka vioski Miłasłavičy Klimavickaha rajonu Volha Karasiova.
Staražytnyja manety znajšła na svaim prysiadzibnym učastku žycharka vioski Miłasłavičy
Siamja žančyny atrymała ad sielskaj haspadarki dom. Kali ŭ chacie navodzili paradak i rabili ramont, znajšli niekalki starych manet, ale vialikaha značeńnia hetaj padziei nie nadali. A potym haspadynia, kali kapała aharod, znajšła ŭ ziamli ceły hrašovy rossyp.
U znachodcy, jakuju Volha Karasiova addała ŭ rajonny muziej, akazałasia bolš za 150 manet! Jany datujucca ŭ asnoŭnym ad 1825 da 1917 hadoŭ. Naminał: ad čaćviertakoŭ i pałušak da 5 kapiejek.
Samaja staraja miednaja maneta — niedzie 1730 hodu. Nadpisy ciažka razhledzieć z‑za karozii i śladoŭ pažaru. Niekatoryja manety navat źliplisia ŭ słupki.
Miascovy historyk Michaił Duktaŭ havoryć, što skarb u Miłasłavičach znajšli ŭpieršyniu. Miesca, dzie adkapali staražytnyja manety, — heta stary centar vioski, dzie prachodziła daroha. Staražyły ŭzhadvajuć, što tam znachodziłasia krama pa prodažy hazy. Vidać, haspadary chaty schavali hrošy na čorny dzień u lichija revalucyjnyja hady, ale skarystacca imi nie daviałosia…
Pavodle źviestak z Klimavickaha krajaznaŭčaha muzeju, na terytoryi rajonu heta treci bujny skarb. Kožnym razam kaštoŭnaści znachodziać na pačatku novaha stahodździa. U 1801 hodzie raskapali antyčnyja manety, jašče adzin skarb pieradali ŭładam u 1926 hodzie.
U Mahiloŭskaj vobłaści skarb znajšli apošnim razam naprykancy 2006 hodu. Adnak heta byli nia hrošy: u vioscy Rasna Drybinskaha rajonu na viaskovym padvorku adkapali čyhunok z farforavym i šklanym posudam 20‑ch hadoŭ minułaha stahodździa.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary