Pieratrus na kvatery dyrektara ZAT «Izdatielskij dom «Vitiebskij Kuŕjer»
Pieratrus pravodziŭsia ŭ suviazi z vybuchami.
Vydaviectva vypuskaje adzinuju na siońnia ŭ horadzie zarehistravanuju niedziaržaŭnuju hramadska‑palityčnuju hazietu «Vitiebskij kuŕjer M».
«Heta byli milicyjanty ź Minsku, supracoŭniki ŭpraŭleńnia pa baraćbie z arhanizavanaj złačynnaściu. Pa ich tłumačeńni, pieratrus u majoj kvatery ładziŭsia ŭ suviazi z vybucham 4 lipienia ŭ Minsku», — paviedamiła ŭ hutarcy z pres‑słužbaj HA «BAŽ» Žanna Papova.
Pieratrus pačaŭsia prykładna ŭ 10.15 ranicy i zakončyŭsia ŭ 12.15. Paśla čaho milicyjanty adrazu pavieźli spn. Papovu ŭ abłasnoje ŭpraŭleńnie milicyi pa baraćbie z arhanizavanaj złačynnaściu «dla dačy pakazańniaŭ».
Pa słovach namieśnicy dyrektara vydaviectva Volhi Karač, jakaja paśla zvanka Ž. Papovaj terminova pryjechała da jaje doma, dahlad pravodzili kala 10—15 milicyjantaŭ u cyvilnaj vopratcy, kiravaŭ pracesam kapitan milicyi Alaksiej Viaršel. U vyniku pieratrusu z kvatery zabrali dyskiety, kampaktnyja dyski i fłeš‑karty. Pa tłumačeńniach milicyjantaŭ, na hetych nośbitach moža być schiema vybuchovaha prystasavańnia. Milicyjanty cikavilisia taksama kampjutaram sp. Papovaj, ale jon akazaŭsia ŭ niaspraŭnym stanie.
Volha Karač pierakananaja, što hetyja dziejańni milicyjantaŭ nakiravanyja suprać haziety «Vitiebskij kuŕjer». Pa jaje słovach, napiaredadni, 21 lipienia, Žanna Papova nakiravała ŭ milicyju list, u jakim patrabavała viarnuć zatrymany nakład pieršaha numaru «Vitiebskoho kuŕjera M» albo patłumačyć pryčynu, čamu haziety ŭžo niekalki miesiacaŭ znachodziacca ŭ milicyi.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary