Bolšaść rasijanaŭ ličać Biełaruś družalubnaj dziaržavaj, adnak suprać prodažu Minsku enierharesursaŭ pa zanižanych cenach. Pra heta śviedčać vyniki apytańnia Usierasijskaha centra vyvučeńnia hramadskaj dumki (VCIOM), jaki apublikavany ŭ čaćvier.
Suprać pradastaŭleńnia źnižak na naftu i haz navat u abmien na padtrymku z boku Minska vykazalisia 56% respandentaŭ, supraćlehłaha mierkavańnia prytrymlivajucca 38%. Bolš za ŭsio tych, chto nie choča davać Biełarusi prefierencyj, siarod hramadzian va ŭzroście ad 45 da 59 hadoŭ, najmienšaja — siarod moładzi ad 18 da 24 hadoŭ.
Niepasredna suprać prodažu Biełarusi enierharesursaŭ pa canie, nižejšaj za rynkavuju, 60% apytanych, zhodnyja na taki krok 32%. U toj ža čas, jak adznačyli ŭ VCIOM, vałodajučy infarmacyjaj ab zapazyčanaści Minska pierad Hazpromam, dola praciŭnikaŭ prodažu nafty i hazu pa zanižanych cenach vyrastała da 69%.
Akramia taho, pieravažnaja bolšaść — 78% — hramadzian vykazalisia za ŭviadzieńnie vizavaha režymu ź Biełaruśsiu z-za rašeńnia Minska admianić abmiežavańni na ŭjezd hramadzianam 80 krain. Tolki 16% pahadzilisia na zachavańnie adkrytaj miažy pamiž dźviuma krainami.
U toj ža jak siabroŭskuju dziaržavu Biełaruś ŭsprymajuć 40% rasijanaŭ, jak handlovaha i ekanamičnaha partniora — 35%, jak stratehičnaha — 9%. Pry hetym tolki čatyry pracenty hramadzian ličać sajuznuju dziaržavu kankurentam, a 3 pracenty — praciŭnikam.
Kamientary