Rasija i Biełaruś pakul nie dasiahnuli kančatkovaj damoŭlenaści ab pastaŭkach u Biełaruś nafty i hazu, ale zblizilisia ŭ padychodach i ŭzhadnili tekst dakłada pa hetym pytańni. Kiraŭnictvu RF dakład ŭžo pradstaŭleny, ale rašeńnia pakul niama, paviedamiŭ žurnalistam vice-premjer RF Arkadź Dvarkovič.
Vice-premjer Biełarusi Uładzimir Siamaška raniej u čaćvier paviedamiŭ, što padrychtavany prajekt pratakoła pa pastaŭkach nafty i hazu ŭ Biełaruś; jon znachodzicca na razhladzie rasijskaha boku i moža pabačyć śviet na nastupnym tydni.
«U nas kančatkovaj damoŭlenaści niama, ale, sapraŭdy, našy baki zblizilisia ŭ padychodach, i ciapier my znachodzimsia, skažam tak, u stadyi dakładu kiraŭnictvu. Bo zastalisia momanty, jakija patrabujuć rašeńnia kiraŭnictva krain», — skazaŭ Dvarkovič.
«My ŭzhadnili tekst, jaki budzie pradstaŭleny kiraŭnictvu Rasii i Biełarusi. Ale heta nie aznačaje, što baki całkam pahadzilisia z tekstam, bo tam zastalisia ŭ hetym tekście pytańni, jakija my na svaim uzroŭni nie majem paŭnamoctvaŭ vyrašyć», — dadaŭ jon.
Pavodle jaho, kiraŭnictvu RF dakład užo pradstaŭleny. «Užo prainfarmavany, pakul niama jašče rašeńniaŭ», — skazaŭ Dvarkovič.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary