28 lipienia pačnucca zdymki 4‑seryjnaha televizijnaha mastackaha filmu «Snajper. Zbroja adpłaty», sumiesnaj karciny «Biełaruśfilma», Biełteleradyjokampanii j rasiejskaj kampanii «Centrał partneršyp». Režyseram stužki vystupaje Alaksandar Jafremaŭ.
Dzieja filma prachodzić pad Stalinhradam i ŭ maleńkim niamieckim miastečku. Stalinhrad uźviaduć pad Mienskam, a asnoŭnyja zdymki projduć u Mirskim zamku.
Karcina budzie z dynamičnym siužetam, trukami j efektnymi scenami, i ŭ toj ža čas u asnovie siužetu — čałaviečyja pačućci.
Historyja pačynajecca ŭ 1942 hodzie pad Stalinhradam, kali hrupa snajperaŭ pad kamandavańniem staršaha lejtenanta Jašyna sutykajecca z chitrym praciŭnikam — niamieckim kapitanam Karłam Klajstam. U padstaŭlenaj im pastcy hinie kachanaja staršaha lejtenanta, dziaŭčyna‑snajperka Alesia Mikulič, a sam Jašyn atrymlivaje ciažkaje ranieńnie. I tolki paśla zakančeńnia vajny, na słužbie kamendantam u nievialičkim niamieckim haradku, Jašyn atrymlivaje niečakanuju mahčymaść adpomścić za hibiel kachanaj dziaŭčyny.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary