Prynamsi, u dźviuch miascinach Biełarusi mierapryjemstvy, pryśviečanyja Dniu pamiaci zabojstva carskaj siam'i, vyjšli za chramavuju aharodžu.
U Mahilovie 17 lipienia paśla akafista — carkoŭnaj chvalebnaj piesni ŭ Śviata‑Mikolskim žanočym manastyry adbyŭsia chrosny chod u park imia Horkaha, dzie budujecca chram u honar Carstviennych Mučanikaŭ i Novamučanikaŭ.
A ŭ subotu, 19 lipienia, ad Minskaha kafiedralnaha sabora adpravilisia dva aŭtobusy z pałomnikami ŭ Krajsk — viosku na Łahojščynie, dzie adzin z antyminsaŭ (chusta z vyjavaj pałažeńnia ŭ trunu Isusa Chrysta i častkaj śviatych moščaŭ, bieź jakoj nielha słužyć liturhiju) Śviata‑Mikolskaj carkvy XIX stahodździa aśviečany ŭ honar impieratara Mikałaja II i členaŭ jaho siam'i, zakatavanych 90 hadoŭ tamu ŭ Jekaciarynburhu.
U hety dzień u Krajsku adbyłosia adkryćcio bronzavaha biusta cara‑mučanika, jaki ŭstalavany la chrama namahańniami prychoda i śviatara ajca Sierhija Padolskaha. Aŭtar biusta — rasijski skulptar Uładzimir Zielanko, a zrobleny vobraz na minskim pradpryjemstvie «Admiennaje lićcio».
17 lipienia, u dzień zabojstva carskaj siam'i, prychadžanki krajskaha chrama zaŭvažyli na novaŭstalavanym biuście jašče adzin znak — vilhać na vačach impieratara — i paličyli heta novym cudam. Pad bronzavaj skulpturaj źmieščany nadpis: «Śviaty Car Mučanik Mikałaj II. Hety biust — naša padziaka śviatym Carstviennym Mučanikam za šmathadovuju niabiesnuju dapamohu nam, viernikam‑chryscijanam, i našamu pravasłaŭnamu Krajskamu prychodu».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary