Administracyja prezydenta rychtuje reviziju prahramy adradžeńnia siała.
Interviju, pryśviečanaje nieabchodnaści revizii prahramy adradžeńnia siała, jakoje daŭ Pieršamu nacyjanalnamu kanału pieršy namieśnik kiraŭnika administracyi Alaksandar Papkoŭ, uklučana ŭ Infarmacyjny biuleteń Administracyi prezydenta. Ciapier biuleteń metanakiravana raspaŭsiudžvajecca siarod abłasnoj i rajonnaj vertykali, paviedamlaje sajt «Zaŭtra tvajoj krainy».
Nieabchodnaść revizii prahramy, jakaja praduhledžvaje istotnaje skaračeńnie zadačaŭ pa adradžeńni siała, A. Papkoŭ arhumentuje «hramatnaj aptymizacyjaj vydatkaŭ». Na dumku čynoŭnika, stolki ahraharadkoŭ, kolki ad pačatku praduhledžvała prahrama, užo nie patrebna.
Pavodle prahramy na praciahu 2005 ‑2010 hadoŭ mierkavałasia stvaryć 1481 ahraharadkoŭ. A. Papkoŭ ličyć, što «z ulikam uzbujnieńnia haspadarak, kali kožny ahraharadok budzie mieć prykładna 10‑12 tys. hiektaraŭ sielskahaspadarčych uhodździaŭ, to 750‑800 ahraharadkoŭ budzie dastatkova, ale ich pavinna być nie bolš za 1000». Na praciahu 2005‑2007 hady status ahraharadkoŭ atrymali 666 nasielenych punktaŭ: 164 — u 2005, 249 — u 2006, 253 — u 2007 hadach.
Inicyjatyvu Papkova «Zaŭtra tvajoj krainy» tłumačyć tym, što prahrama banalna nie ŭkładvajecca ŭ zaćvierdžany biudžet. Tak, u 2005 hodzie zhodna ŭkaza prezydenta ad 25 sakavika 2005 hodu №150 na pabudovu ahraharadkoŭ planavałasia vyłučyć 10,1 trłn. rubloŭ. Realna vydatkavali 11,8 trłn. rubloŭ. U 2006 hodzie patracili 14,4 trłn. suprać zaplanavanych 10,5 trłn. A ŭ minułym hodzie ‑‑ 18,4 trłn. suprać 11,1 trłn. Ahułam za try hady vykanańnia prahramy było vydatkavana kala 45 trłn. rubloŭ (kala $21 młrd).
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ11
Kamientary