Žonka 92-hadovaha prezidenta Zimbabve Robierta Muhabe, zajaviła, što jaje muž karystajecca takoj padtrymkaj naroda, što jaho abiaruć na novy termin navat u vypadku śmierci, piša VVS.
Reuters
Pra heta 51-hadovaja Hrejs Muhabe skazała, vystupajučy na mitynhu kirujučaha Zimbabvijskaha afrykanskaha nacyjanalnaha sajuza.
«Adnojčy, kali Haspodź pryznačyć pamierci Muhabe, my vystavim na vybary jaho trup ŭ jakaści kandydata», — zajaviła jana na mitynhu ŭ sieliščy Buchiera, raźmieščanym na paŭdniovym uschodzie ad stalicy.
«Vy ŭbačycie, jak ludzi prahałasujuć za trup Muhabe. Ja vam surjozna kažu — prosta kab pakazać ludziam, jak mocna ludzi lubiać svajho prezidenta», — skazała jana.
Muhabe znachodzicca va ŭładzie ŭžo 37 hadoŭ, z momantu zdabyćcia krainaj niezaležnaści ad Brytanii ŭ 1980 hodzie: spačatku na pasadzie premjera, a z 1987 hoda — prezidenta.
Jon nie chavaje, što maje namier pravić, pakul nie pamre. U vieraśni minułaha hoda jon uziaŭ udzieł u adkryćci pomnika samomu sabie, a ŭ śniežni abviaściŭ, što budzie bałatavacca na novy termin.
