Śledčyja pravodziać pravierku pa fakcie śmierci troch maładzionaŭ na pažary ŭ Puchavickim rajonie, paviedamiła BIEŁTA aficyjny pradstaŭnik USK pa Minskaj vobłaści Taćciana Biełanoh.
«Śledča-apieratyŭnaja hrupa pracuje na miescy zdareńnia, u vyniku jakoha siońnia nočču na pažary zahinuli troje maładych ludziej», — skazała Taćciana Biełanoh.
U miežach pravieračnych mierapryjemstvaŭ pryznačanyja daśledavańni, u tym liku pa pryčynie pažaru i dakładnaj pryčynie śmierci maładych ludziej. Śledstvam razhladajucca ŭsie viersii taho, što adbyłosia. Pa pieršapačatkova atrymanych dadzienych, asnoŭnaja viersija — parušeńnie pravił vykarystańnia piačnoha abstalavańnia.
Pažar adbyŭsia ŭ dačnym domie na terytoryi sadovaha tavarystva «Mator» kala vioski Vańkoŭščyna. Zahinuli syn haspadara doma 1994 hoda naradžeńnia i maładyja ludzi 1993 i 1995 hadoŭ naradžeńnia, jakija znachodzilisia ŭ jaho ŭ haściach.
