U Biełarusi ŭpieršyniu pačali vyrablać šmaravidła dla seksu
Kaciaryna i Illa Budavy zapuścili vypusk łubrykantaŭ letaś u žniŭni. Ciapier bolšaść pradukcyi idzie ŭ Rasiju, ale i ŭ Biełarusi pradukt pastupova nabiraje papularnaść.
«Heta naš maleńki siamiejny biznes. Kali maja žonka była ŭ čarhovy raz ciažarnaja, my pačali hladzieć na naturalnaść praduktaŭ. Spačatku chacieli zapuścić vyrab tavaraŭ dla ciažarnych, rabić tyja ž alei ad raściažak. Dumali nazvacca «Vioskaj», — raspaviadaje Illa Budaŭ. — Ale potym my ŭbačyli, što siarod tavaraŭ dla ciažarnych možna znajści arhaničnyja. A voś što tyčycca arhaničnych zmazak i tavaraŭ dla kachańnia, to znajści ich vielmi składana. U Biełarusi hetaha paprostu niama, jak i ŭ Rasii».
Ubačyŭšy volnuju nišu, siamja Budavych doŭha nie razdumvała i stvaryła ŭłasnuju kampaniju pa vyrabu intymnych zmazak «Joska». Ciapier u hetaj sieryi dva pradukty — šmaravidła na vodnaj asnovie i na alejnaj. Ich recepturu raspracoŭvali kala hoda. Illa zaŭvažaje, što łubrykanty Joska adobryła biełaruskaja Asacyjacyja akušeraŭ-hiniekołahaŭ.
Šmaravidła pradajecca ŭ niekatorych aptekach i kaśmietyčnych kramach, jaho taksama možna zamović anłajn.
«Chutka my zrobim jašče adzin alejny łubrykant, jon budzie iści jak masažnaje masła. Paśla źbirajemsia vypuścić zmazku dla tych, chto choča zaciažaryć. Tady heta budzie poŭnaja prapanova pa arhaničnych zmazkach u Biełarusi, — dadaje Illa. — Amal usie zmazki, pradstaŭlenyja siońnia na rynku, z hlicerynam, choć viadomy fakt, što hliceryn vyklikaje draždžavuju infiekcyju. Faktyčna my robim maleńkuju revalucyju ŭ hetym siehmiencie».
* * *
Čytajcie taksama: Mały biełaruska-biełaruski słoŭnik seksualnych paniaćciaŭ
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary