Šunievič pra Kurapaty: Ja za toje, kab situacyja vyrašyłasia cyvilizavana, biez prykavańniaŭ da mašyn
Ministr unutranych spravaŭ Ihar Šunievič prakamientavaŭ situacyju, jakaja ŭtvaryłasia la ŭročyšča Kurapaty.
«MUS niehatyŭna stavicca. My abaviazanyja reahavać na ŭsie fakty parušeńniaŭ paradku», — adrazu skazaŭ Šunievič.
«Ja viedaju, što isnuje prablema, źviazanaja z tym, što z adnaho boku adbyvajecca lehalnaje budaŭnictva, a z druhoha boku jość asoby, jakija ličać, što tam ničoha budavacca nie pavinna. Ja nie chaču, kab MUS vystupaŭ tut u roli niejkaha traciejskaha sudździ. Budzie pryniataje rašeńnie — [budaŭnictva] budzie spyniena, nie budzie — praciahniecca.
Mnie chaciełasia b, kab hradus vastryni byŭ mienšym. Sprava ŭ tym, što dla niekatorych asob heta mahčymaść, kab u čarhovy raz zajavić pra siabie.
Jość kampietentnyja ludzi, jakija mohuć dać adkazy na pastaŭlenyja pytańni, u tym liku histaryčnyja.
Treba vyrašać situacyju cyvilizavana, biez prykavańnia siabie da mašyn i biez ekstremalizmu. A to adny načujuć, druhija razhaniajuć, trecija budujuć», — skazaŭ Ihar Šunievič.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary