Užo dva tydni zamiežnyja turysty mohuć pryjazdžać u Biełaruś na 5 dzion bieź vizy. Usie jany prylatajuć u Nacyjanalny aeraport, a vartavyja paradku sočać za tym, kab zamiežniki nie parušyli terminy znachodžańnia ŭ krainie, paviedamlaje tut.by.
«Za hety pieryjad my zafiksavali niekalki parušeńniaŭ, havorka nie idzie ab dziasiatkach, ich nie bolš za piać. Jakija heta parušeńni? 2-3 čałavieki parušyli terminy znachodžańnia na našaj terytoryi, i 1-2 vypadki, kali turysty jechali ŭ RF, majučy vizy RF, ale da nas zajechali bieź jaje. Voś jakaja statystyka. I vy sami razumiejecie, što jana nijak nie ŭpłyvaje na pravaparadak dziaržavy. Asablivych namahańniaŭ abo srodkaŭ my nie vykarystoŭvajem u hetaj halinie, usio dosyć harmanična i biez zahan pracuje», — kaža ministr unutranych spraŭ Ihar Šunievič.
U milicyi nie prahnazujuć, što z uviadzieńniem biaźvizavaha režymu pavialičycca ŭzrovień złačynnaści. Kali hladzieć na ličby, zamiežniki ździajśniajuć usiaho 1,4−1,7% złačynstvaŭ ad ahulnaj kolkaści.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary