Kirujučy partnior kampanii PriceWaterhouseCoopers Brajan Kulinan nazvany asnoŭnym vinoŭnikam kanfuzu na cyrymonii ŭručeńnia «Oskaraŭ», paviedamlaje VVS.
Pavodle zajavy, apublikavanaj kampanijaj, jakaja ŭžo šmat hadoŭ zajmajecca padlikam hałasoŭ členaŭ amierykanskaj kinaakademii, Kulinan pierabłytaŭ kanvierty ź imionami pieramožcaŭ, a kali pamyłka vyjaviłasia, jon i jaho kaleha Marta Ruiz dziejničali niedastatkova chutka, kab jaje vypravić.
Na cyrymonii ŭručeńnia premij «Oskar» zdaryŭsia vialiki kanfuz: zamiest «Miesiacovaha śviatła» najlepšym filmam byŭ abvieščany miuzikł «Ła-Ła-Łend». Pamyłku vypravili, ale mnohija zadajucca pytańniem, jak padobnaje mahło adbycca.
Dva čałavieki — pradstaŭniki aŭdytarskaj kampanii PriceWaterhouseCoopers — padličvajuć hałasy i zahadzia viedajuć pieramožcaŭ.
Kožny ź ich maje poŭny nabor kanviertaŭ z kartkami, na jakich značacca imiony pieramožcaŭ, — na vypadak, kali z adnym z kanviertaŭ niešta adbudziecca.
Padčas cyrymonii pradstaŭniki PriceWaterhouseCoopers stajać pa abodva baki sceny i pieradajuć kanvierty viadučym pierad kožnym epizodam uznaharodžańnia.
Paśla taho jak Emie Stoŭn byŭ prysudžany «Oskar» u naminacyi «Najlepšaja aktrysa», druhi anałahičny kanviert byŭ pa pamyłcy ŭručany viadučamu Uorenu Bici, jaki jakraz pavinien byŭ abviaścić pieramožca ŭ katehoryi «Najlepšy film».
«PriceWaterhouseCoopers biare na siabie poŭnuju adkaznaść za sieryi pamyłak i parušeńniaŭ ustanoŭlenych pratakołaŭ u chodzie cyrymonii ŭručeńnia «Oskaraŭ», — havorycca ŭ zajavie.
«Brajan Kulinan pamyłkova pieradaŭ viadučym reziervovy kanviert u naminacyi «Najlepšaja aktrysa» zamiest kanvierta za najlepšy film», — udakładniaje kampanija.
Kulinan pracuje ŭ PricewaterhouseCoopers na praciahu 20 hadoŭ. Jak napisana ŭ jaho tvitary, jon taksama adkazvaje za zachavanaść tajamnicy i padlik hałasoŭ pry hałasavańni za pieramožcaŭ premii «Oskar».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary