7 sakavika a 19:00 u «Beer&Winebar«vystupić Lavon Volski ŭ duecie z bas-hitarystam Alesiem-Franciškam Myškievičam. Heta budzie zaklučny kancert ź sieryi «Zimovaj akustyki».
Kancert, jašče nie pačaŭšysia, staŭ sapraŭdnaj intryhaj dla ŭsich cikaŭnych. Bo ŭ hety raz składalnikam set-lista moža stać kožny. Da taho ž, aproč hitary, Lavon abiacaŭ «vypadkova prychapić» z saboj kłavišy, a značyć, kolkaść varyjantaŭ piesień pavialičvajecca.
Tamu, kali vy žadajecie pačuć niešta niazvykłaje i admysłovaje, karystajciesia prapanovaj arhanizataraŭ i abirajcie try lubyja kampazicyi, ad «Mroi» da «Psichasamatyki», i ŭpisvajcie ich u formu pa hetaj spasyłcy. Zajaŭki prymajucca da 4 sakavika. Paśla vystupoŭcy razhledziać poŭny śpis pažadańniaŭ i abiaruć kampazicyi, jakija zmohuć vykanać u akustyčnych umovach bara.
Prodaž kvitkoŭ na sam kancert pačniecca zaŭtra, 1 sakavika, a 12 hadzinie dnia. Kali chočacie patrapić na kancert, raim paśpiašacca: arhanizatary kažuć, što na minuły vystup kvitki «raźlacielisia» ciaham 30 chvilin.
Nabyć kvitki možna tut.
Košt na tancplac — 22 rub., stolik — 25 rub.
Dadatkovaja infarmacyja pa telefonie: +375 33 661-14-32.
