Dziaržaŭnyja ŚMI Irana, jakija tranślavali 89-ju cyrymoniju ŭručeńnia kinapremii «Oskar», zafarbavali ŭčastki cieła paŭdniovaafrykanskaj kinadzivy Šarliz Teron, jakaja vyjšła abviaścić pieramožcu ŭ naminacyi «Najlepšy film na zamiežnaj movie», paviedamlaje VVS.
Uznaharodu atrymaŭ iranski režysior Ashar Farchad za film «Kamivajažor». Jon bajkatavaŭ uznaharody, pratestujučy suprać palityki Donalda Trampa pa abmiežavańni na ŭjezd vychadcaŭ ź siami krain, uklučajučy Iran, tamu ŭznaharodu zamiest jaho atrymała hukainžynier Anuše Ansary. Jaje stroj taksama akazaŭsia zanadta niaścipłym dla iranskich cenzaraŭ: jany «razmyli» pałosku adkrytaj skury na ciele žančyny ŭ frahmiencie tranślacyi, dzie jana pramaŭlaje pieramožny manałoh.
Šarliz Teron abjaŭlała naminacyju razam z aktrysaj Šyrli Maklejn. Va ŭbory Maklejn iranskich cenzaraŭ nie źbiantežyła ničoha.
Uvahu suśvietnaj hramadskaści da «latiajučaj» razam z Teron retušy adkrytych učastkaŭ jaje cieła pryciahnuła Masich Aliniežad — aktyvistka, jakaja supraćstaić iranskamu zakonu, što abaviazvaje dziaŭčat pakryvać svajo cieła ź siami hadoŭ.
«Žančyny lubych relihijnych pohladaŭ mohuć być vysiečanyja i aryštavanyja ŭ Iranie tolki za toje, što nie nosiać «pravilny chidžab», — aburałasia aktyvistka ŭ hutarcy z New York Times, zaklikajučy pravaabaroncaŭ z usich kancoŭ Ziamli «hučniej i vyraźniej» asudžać palityku Irana ŭ dačynieńni da žanočaha dres-koda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary