Izrail pačynaje ekśpierymient pa padrychtoŭcy žančyn-tankistak
«Ekśpierymient pierachodzić na praktyčnyja rejki», — napisaŭ u svaim błohu izrailski aficer i vajskovy ekśpiert David Hiendelman.
![](http://nashaniva.com/img/w732d4webp1/photos/z_2017_03/100614_original-dxip0.jpg.webp)
U kancy hetaha miesiaca ŭ Izraili pačynajecca novy pryzyŭ u źmiašanyja mužčynska-žanočyja bataljony, jakija pieravažna zajmajucca patrulavańniem spakojnych rajonaŭ izrailskaj miažy.
Z nabranych žančyn płanujecca adabrać 15 najbolš fizična hatovych dobraachvotnic dla słužby ŭ tankavych ekipažach u jakaści kiroŭcaŭ, navodčykaŭ, zaradžalščykaŭ-suviazistaŭ.
![](http://nashaniva.com/img/w732d4webp1/photos/z_2017_03/96363_original-tyxuy.jpg.webp)
Adnak, u adroźnieńnie ad zvyčajnych tankistaŭ, hetyja žančyny projduć skaročanuju padrychtoŭku — ich nie buduć rychtavać dla ŭdziełu ŭ poŭnamaštabnych bajach, a tolki dla padtrymki źmiašanych bataljonaŭ. Kamandziry ekipažaŭ buduć mužčynami.
Dla žančyn płanujecca ŭvieści śpiecyjalny ablehčany ryštunak i dyjetu. Imavierna, jak i ŭ źmiašanych bataljonach, buduć źnižanyja narmatyvy fizičnaj padrychtoŭki.
Takim čynam stvarajecca asobnaja struktura tankavych padraździaleńniaŭ z abmiežavanymi funkcyjami.
U vyniku «pakul płanujecca kirunak «čym zaniać žančyn u tankach», a nie «jak uvieści žančyny u sapraŭdnyja tankavyja vojski», adznačaje ekśpiert, pa mierkavańni jakoha takija ekśpierymienty — tolki vynik palityčnaha cisku z boku fieminisckaha łobi.
![](http://nashaniva.com/img/w732d4webp1/photos/z_2017_03/1024px-merkava_mk_iii_tank-d8y7s.jpg.webp)
Raniej izrailskaja armija pravodziła padobnyja ekśpierymienty pa stvareńni žanočych tankavych ekipažaŭ u 2001, 2009, 2014 hadach, ale va ŭsich vypadkach byli atrymanyja admoŭnyja vyniki — pieravažna z-za padvyšanaha traŭmatyzmu siarod žančyn praz vysokija fizičnyja nahruzki.
Treniravacca žančyny-tankisty buduć na tankach Mierkava-3.
Kamientary