Ofis Aršanskaj kaalicyi demakratyčnych sił uziali ŭ abłohu milicyjanty
Ihar Kaźmiarčak
Pra heta paviedamiŭ kiraŭnik moładzievaj supołki «Źviaz» Ihar Kaźmiarčak:
«Pradstaŭniki roznych hramadzkich struktur sabralisia ŭ ofisie pa vulicy Čyrvonaarmejskaj, 13, kab abmierkavać biahučyja spravy. Usiaho nas kala 15-ci čałaviek. Dźviery my zvyčajna nie začyniajem na zamok, bo nia robim ničoha niezakonnaha. Chvilin 20 tamu da nas pahrukali i zajšli milicyjanty. Zajavili, što da ich «pastupiŭ syhnał», nibyta ŭ nas zajmajucca vyrabam falšyvych hrošaj.
Nieŭzabavie padjechali ludzi ŭ cyvilnym, sa Śledčaha kamitetu. Na dadzieny momant pajšli pa vulicy — a heta pryvatny sektar — kab šukać paniatych. Chacia pastanovy na pieratrus nam nichto nie pradjaviŭ».
Pavodle Ihara Kaźmierčaka, słužboŭcy spačatku patłumačyli, što chočuć tolki apytać usich prysutnych. Adnak jašče praz kolki chvilinaŭ pryvieźli pastanovu na pieratrus, jaki maje nieŭzabavie pačacca.
Spadar Kaźmiarčak źviazvaje niečakany vizyt z tym, što 12-ha sakavika ŭ Voršy planujecca «Marš niedarmajedaŭ». Źviestki pra heta ŭžo raspaŭsiudžany pa sacyjalnych sietkach, a taksama raźmieščany na miascovym niezaležnym sajcie orsha.eu.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im2
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary