8 traŭnia ŭ Vilni Lavon Volski pradstavić prahramu «172», u miežach jakoj prahučać lepšyja pieśni za ŭsiu karjeru muzyki: ad hurta «Mroja» da najnoŭšaha solnaha alboma «Psichasamatyka». Biełarusy majuć mahčymaść atrymać biaspłatnyja vizy.
U kancercie voźmuć udzieł Aleś-Francišak Myškievič, Pavieł Arakielan, a taksama narviežskija muzyki Snore Bierhierud, Bjorn Chołmsłend i Sindre Skeje, ź jakimi Lavon Volski zapisvaŭ albomy «Hramadaznaŭstva» (2014) i «Psichasamatyka» (2016). Kancert adbudziecca ŭ kłubie Vakaris Vilnius u centry Vilni.
— Heta budzie vialiki kancert z akustyčnaj i elektryčnaj častkaj, — kaža Lavon Volski. — Apošnim časam daviałosia ŭzhadać šmat piesień, jakija ja daŭno nie vykonvaŭ: z «Mroi», z N.R.M., ź inšych prajektaŭ. Tamu «172» — heta nie tolki naŭprostavaja adlehłaść pamiž Minskam i Vilniaj, ale i prybliznaja kolkaść chvilin u kancercie.
Dziakujučy padtrymcy MZS Litvy, na padstavie nabytych u Biełarusi kvitkoŭ na mierapryjemstva biełarusy majuć mahčymaść atrymać biaspłatnyja vizy (biez konsulskaha zboru) z terminam dziejańnia z 7 da 9 traŭnia. Padavać dakumienty možna ŭ Ambasadzie Litvy ŭ Minsku, a taksama vizavych centrach pa ŭsioj krainie (pasłuha płatnaja — 20 jeŭra). Pakrokavaja instrukcyja i aŭtobusnyja tury na kancert — www.turmuz.by.
Kvitki: tancplac — 49 rub., miesca za stolikam — 69 rub..
Prodaž kvitkoŭ biez kamisii: IP Kaśpiarovič D.A., HC «Manietka», vuł. Kulman 9 — pavierch 4, ofis 1. Uvachod: dźviery praviej ad kaviarni Beer & Wine.
Prodaž: na sajcie i ŭ kasach Kvitki.by, a taksama ŭ sałonach «Śviaznoj» i «Jevrosieť» pa ŭsioj Biełarusi.
Płjacoŭka: kłub Vakaris Vilnius — Vilnia, vuł. Stulginskio, 8.
Pačatak kancerta ŭ 19.00, uvachod z 18.00.
Infalinija ŭ Biełarusi: +375 29 7777 857, +375 29 622 57 20.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary