U pryharadzie Stambuła ŭrezaŭsia ŭ televiežu pasažyrski viertalot S-76, na borcie jakoha ŭ jakaści pasažyraŭ znachodzilisia čaćviora rasijan. Usie jany zahinuli, piša VVS.
Abłomki viertalota, jaki ŭpaŭ na šašy ŭ Stambule. Fota Getty
Pa infarmacyi ŚMI, viertalot naležyć tureckaj hrupie kampanij Eczacibasi. Jana ŭžo paćvierdziła, što siarod zahinułych byli čaćviora rasijan. Taksama ŭ viertalocie byli dva piłoty i adzin hramadzianin Turcyi.
Jak paviedamiŭ kiraŭnik administracyi rajona, akramia ich zahinuŭ jašče jak minimum adzin čałaviek. Takim čynam, usiaho zahinuli piać čałaviek. Los jašče dvuch pakul nie ŭdakładniajecca.
Getty
Viertalot vylecieŭ z stambulskaha aeraporta Ataciurka. Praź piać chvilin palotu jon urezaŭsia ŭ televiežu i ŭpaŭ na šašy. Ciapier daroha pierakrytaja. Na miescy zdareńnia pracujuć pažarnyja, miedyki i ratavalniki.