Praca pravaachoŭnikaŭ pa prafiłaktycy pravaparušeńniaŭ pavinna być praktyčnaj i dziejsnaj. Pra heta Alaksandr Łukašenka zajaviŭ siońnia na naradzie pa razhladu vynikaŭ dziejnaści pravaachoŭnych orhanaŭ u 2016 hodzie i pytańniaŭ aptymizacyi pravaachoŭnaj i sudovaj sistem, paviedamlaje pres-słužba kiraŭnika dziaržavy.
«Prablem u śfiery pravaachoŭnaj dziejnaści, na žal, jašče chapaje. Pierš za ŭsio, u pytańniach zabieśpiačeńnia naležnaha ŭzajemadziejańnia ŭ pracesie prafiłaktyki i papiaredžańnia pravaparušeńniaŭ, raskryćcia i rasśledavańnia złačynnych dziej, vyklučeńnia dubliravańnia i farmalizmu ŭ pracy, paŭnaty kampiensacyi škody, pryčynienaj złačynstvami, — skazaŭ prezident. — Asabliva ja chacieŭ by padkreślić pytańnie prafiłaktyki».
Pry hetym, padkreśliŭ kiraŭnik dziaržavy, pravaachoŭnyja orhany nie pavinny zajmacca adnymi razmovami — hetaha niedastatkova. Prafiłaktyčnaja praca pavinna być praktyčnaj i dziejsnaj.
Łukašenka adznačyŭ, što na heta źviartałasia ŭvaha pry razhladzie dekreta № 3 «Ab papiaredžańni sacyjalnaha ŭtrymanstva» na niadaŭniaj naradzie.
«Mienavita hety dekret jakraz nakiravany na prafiłaktyku. Heta mahutnaje prafiłaktyčnaje dziejańnie. Ja źviartaŭ uvahu našaha ministra ŭnutranych spraŭ pierš za ŭsio na hetuju prablemu. Čamu? Tamu što čałaviek biespracoŭny (vy heta viedajecie lepš za mianie) — heta budučy złačyniec. Pavinny być dziejsnyja ryčahi ŭździejańnia ŭ płanie prafiłaktyčnaj raboty pa niedapuščeńni złačynstvaŭ u budučyni. Heta nie tolki našy razmovy i razvažańni».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary