Minharvykankam dazvoliŭ pravieści «Marš niedarmajedaŭ» u Minsku 15 sakavika ad Akademii navuk da pł. Banhałor. Arhanizatary nie chočuć iści pa hetym maršrucie, ale płanujuć sabracca na dazvolenym miescy kala kinateatra «Kastryčnik» i vyrašyć razam ź ludźmi, kudy iści dalej, piša tut.by.
Adnym z zajaŭnikaŭ akcyi byŭ pradstaŭnik BCHD Dzianis Sadoŭski, jon chadziŭ siońnia na pieramovy ŭ Minharvykankam.
«My zajavili, što zaraz hramadska-palityčnaja situacyja patrabuje pachodu ŭ centr. Jany admovilisia i skazali, što na heta jany dazvołu nie dajuć».
Adzin ź lidaraŭ BCHD Vital Rymašeŭski zajaviŭ, što apazicyja prapanavała haradskim uładam pradastavić aparaturu i dać mahčymaść kiraŭniku Minharvykankama Andreju Šorcu pahutaryć z prysutnymi.
«Niachaj by pahavaryli ź ludźmi razam z apazicyjaj. Jany hetaha nie chočuć. A Šorac, ja liču, dziejničaje jak pravakatar. Jon vydatna razumieje, što ni na jaki Banhałor ludzi siońnia nie pojduć, navat kali lidary apazicyi ich tudy pakličuć».
U vyniku zajaŭniki akcyi, siarod jakich jość pradstaŭniki partyi «Zialonych», BSDP (Hramada), BCHD i AHP vyrašyli paklikać ludziej na dazvolenaje miesca zboru — da kinateatra «Kastryčnik» u 17:30 15 sakavika. Rašeńnie ab dalejšym maršrucie maršu budzie pryniataje tam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary