Prablema strachavoha stažu dla vajskoŭcaŭ pavinna być vyrašana. Takuju zadaču Alaksandr Łukašenka pastaviŭ siońnia na naradzie pa vynikach dziejnaści pravaachoŭnych orhanaŭ u 2016 hodzie i pytańniach aptymizacyi pravaachoŭnaj i sudovaj sistem.
«Nieabchodna ŭvažliva pahladzieć na prablemu tak zvanaha strachavoha stažu dla vajskoŭcaŭ. Heta niapravilna, kali vysłuha hadoŭ na vajennaj słužbie naohuł nie zaličvajecca ŭ strachavy staž, nieabchodny dla naznačeńnia pracoŭnaj piensii», - ličyć Alaksandr Łukašenka.
U vyniku vajskoviec, jaki zvolnieny biez vajennaj piensii, ale prasłužyŭ 10, 15 i bolš hadoŭ, pavinien naraŭnie z učarašnim studentam u stałym uzroście adpracavać jašče 20 hadoŭ dla atrymańnia pracoŭnaj piensii. «Takaja situacyja asabliva niespraviadlivaja ŭ adnosinach da vajskoŭcaŭ, jakija zvalniajucca sa słužby biez vajennaj piensii pa pryčynach, što niezaležać ad ich», - padkreśliŭ kiraŭnik krainy.
