12 sakavika ŭ chole pobač z kniharniaj «Halijafy» (Niamiha-3, cokalny pavierch, pav. 66) adbudziecca prezientacyja knihi Ljuisa Kerała «Skroź lusterka, i što ŭbačyła tam Alisa». Pačatak a 12-j hadzinie.
U imprezie voźmuć udzieł litaratary i mastaki: Viera Burłak, Kaciaryna Dubovik, Viktar Žybul, Maryja Martysievič, Julija Cimafiejeva, Sierž Minskievič.
Suśvietna viadomaja kazka Ljuisa Kerała «Skroź lusterka, i što ŭbačyła tam Alisa» — adzin z samych zahadkavych tvoraŭ kłasičnaj litaratury Vialikabrytanii — užo druhoje stahodździe vabić jak dziaciej (jakim jana niepasredna pryznačałasia), tak i darosłych.
U hetym vydańni źmieščany pierakład kazki, vykanany Vieraj Burłak. Aryhinalnyja ilustracyi Kaciaryny Dubovik supravadžajuć u padarožžy ŭ Zalusterkavy śviet i dazvalajuć adčuć siabie ŭdzielnikam fantastyčnaj hulni — šachmatnaj partyi, razyhranaj Ljuisam Kerałam.
