Chapun u Maładziečnie: zatrymanyja Labiedźka, Hubarevič, Rymašeŭski REZKIJA KADRY
Paśla akcyi ŭ Maładziečnie zatrymanyja lidar AHP Anatol Labiedźka, sustaršynia BCHD Vital Rymašeŭski, staršynia ruchu «Za svabodu» Juraś Hubarevič, sacyjał-demakrat Aleś Abramovič, aktyvistka BCHD Volha Kavalkova i žurnalist BiełaPAN Siarhiej Karalevič, a taksama niekalki aktyŭnych demanstrantaŭ.
Labiedźka tranślavaŭ zatrymańnie ŭ svaim fejsbuku. Niejki čas jaho, Hubareviča i Karaleviča supravadžali ludzi ŭ cyvilnym. Potym nakinulisia i stali źbivać. Zatrymańnie adbyvałasia vielmi brutalna.
«U Maładziečanskim RAUS. Zatrymańnie u lepšych tradycyjach… Zakinuli u bus, tvaram u padłohu. Zaraz idzie raźbiralnictva. Z boku milicyi hałoŭny — Kisiel.», — napisaŭ Hubarevič.
Labiedźka potym zdoleŭ vieści tranślacyju z RUUS u fejsbuku, potym, zdajecca, znoŭ pačałosia źbićcio i tranślacyja spyniłasia.
«Mianie zakinuli, pa Hubarevičy pataptalisia, potym Karaleviča zakinuli», — paviedamlaŭ Labiedźka ŭ fejsbuku.
«Vy možacie patłumačyć, čamu ja zatrymany», — spytaŭsia Labiedźka, i tranślacyja adklučyłasia.
Zatrymańnie Vitala Rymašeŭskaha
«Zakinuli ŭ bus, tvaram u padłohu, z hrubaj fizičnaj siłaj. Advieźli ŭ pastarunak. Chutčej za ŭsio, niejkaja hrupa ź Mienska hetym zajmałasia, bo ich tvary ja nie adnojčy bačyŭ na mienskich mierapryjemstvach. Nam ničoha nie skazali, nie papiaredzili, prosta, jak złačyncaŭ, padlacieli zzadu, adčynili dźviery, pazakidvali, sieli na plečy na nas i pajechali», — skazaŭ Juraś Hubarevič karespandentu Svabody.
Juraś Hubarevič nazvaŭ hetyja dziejańni milicyi «sprobaj zapałochvańnia».
— Ja ciapier znachodžusia ŭ kabiniecie z supracoŭnikam milicyi, jaki budzie składać pratakoł. Čym heta zavieršycca, ja nie viedaju. Ale jość vierahodnaść, što my tut zanačujem da suda. A z ulikam vychodnych dzion — da paniadziełka. Tut ciažka prahnazavać.
— To bok vy ciapier u Maładziečanskim RAUS?
— Napeŭna, tak, bo ciažka było zrazumieć. Zavodzili tvaram u padłohu, nakinuŭšy kapiušony na hałavu. I tak vyvodzili z aŭtobusa, tamu nijakaj šyldy ja nie razhledzieŭ.
Načalnik milicyi Maładziečna Valancin Asipovič admoviŭsia kamientavać žurnalistam aryšty i zahadaŭ pakinuć pastarunak.
Nikoha ŭnutr budynka nie puskajuć.
***
Illu Bondara zatrymali razam z dvuma paplečnikami, kali jany viartalisia z akcyi ŭ taksi. Ich pryvieźli ŭ RAUS, ale paviali ŭ roznyja pakoi. Ź Illom u adnym pamiaškańni apynulisia jašče čaćviora nieviadomych jamu zatrymanych, siarod jakich, pavodle słoŭ chłopca, byli i palityčnyja dziejačy.
Potym Bondara viarnuli milicejskaj mašynaj nazad i paviali ŭnutr.
***
Taksama paśla akcyi byŭ zatrymany małady čałaviek z arafatkaj na tvary. Pavodle naziralnikaŭ BCHK, jaho žorstka zapchnuli ŭ milicejskuju mašynu. Chłopca zavuć Dzianis, jamu 16 hod.
Kala 22:00 chłopca adpuścili, pa jaho pryjšoŭ baćka.
21:31
Žurnalist BiełaPANa Siarhiej Karalevič adpuščany z RUUS.
-
Šamietaviec: Paśla źniknieńnia ni Mielnikava, ni ad jaje imia na «Kibierpartyzanaŭ» nie vychodzili. Jana nie maje čym nas šantažavać
-
Zianon Paźniak: Zaraz intaresy režymu ŭ niejkaj stupieni supadajuć z nacyjanalnymi intaresami
-
«Kibierpartyzany»: Nie treba raździmać paniku, što režym usio moža ŭzłamać, pračytać, pra ŭsio daviedacca. Nie, nie moža
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary