19 sakavika sustrečaj z Lavonam Volskim zaviaršycca pieršaja vystava karcin biełaruskich muzykaŭ «Muzyka bieź miežaŭ», jakaja z 9 sakavika pracuje ŭ minskaj prastory «CECH» (vuł. Kastryčnickaja, 16). U ekspazicyi pradstaŭlenyja bolš za 20 tvoraŭ viadomych biełaruskich vykanaŭcaŭ. Siarod ich i try karciny Volskaha. Tvorčaja sustreča ź Lavonam pačniecca ŭ 16.00, uvachod — usiaho 2 rubli! Muzyka abiacaje zachapić z saboj hitaru i mikrafon, raspavieści pra svajo mastactva i zładzić rasprodaž kvitkoŭ na svoj vialiki kancert, što adbudziecca 8 traŭnia ŭ Vilni (pa 45 rubloŭ na tancpoł zamiest 49).
Nahadajem, vystava «Muzyka bieź miežaŭ» zaklikanaja pakazać roznyja hrani samavyražeńnia tvorčaj asoby, a taksama parazvažać nad aktualnaj dla Biełarusi prablemaj svabody tvorčaści i jaje miežaŭ. Na vystavie pradstaŭlenyja karciny i malunki Lavona Volskaha, lidara hurta «Krama» Ihara Varaškieviča, hurta «Pałac» Aleha Chamienki, frontmena bresckich pank-zorak «Daj darohu!» Juryja Stylskaha, Andrusia Takindanha (Recha, Harotnica), Hanny Ždanavaj (Lilac), lidara hurta Znich Alesia Taboliča, Siarhieja «Skrypy» Skrypničenki (Žygimont Vaza) i Alaksandra Dziemidzienki (Re1ikt). Usie muzyki hrajuć u roznych stylach, adnak, jak vyśvietliłasia, ich abjadnoŭvaje vyjaŭlenčaje mastactva.
U apošni dzień pracy vystava budzie adkrytaja da 22-j hadziny. Daviedki +375 29 121 22 96
Kamientary