Jašče adnoj siłavoj strukturaj budzie kiravać nie ŭradženiec Biełarusi
Jak stała viadoma «Biełaruskamu partyzanu», na dniach mienskamu specnazu byŭ pradstaŭleny novy kiraŭnik — Jury Chadžymuratavič Karajeŭ. Pałkoŭnik Jury Padabied ciapier lažyć u špitali MUS. Ciapier nie ŭradžency Biełarusi ačolvajuć Radu biaśpieki, KDB, MUS, Słužbu achovy prezydenta i jahonuju asabistuju achovu.
Jak stała viadoma «Biełaruskamu partyzanu», litaralna na dniach mienskamu specnazu byŭ pradstaŭleny novy kiraŭnik — Jury Chadžymuratavič Karajeŭ. Pałkoŭnik Jury Padabied ciapier lažyć u špitali MUS.
Pavodle roznych versij, paśla adstaŭki Padabiedu prapanavali pracu ŭ HUUS, ale jon admoviŭsia, bo nie chacieŭ pracavać namieśnikam Alaksandra Najdzienki. Takim čynam, Padabied syšoŭ na pensiju va ŭzroście 46 hadoŭ.
Sam Padabied tak prakamentavaŭ hetaje rašeńnie dla «Biełaruskaha partyzana»: «Ja pryniaŭ takoje rašeńnie sam. Dzie budu pracavać dalej jašče nia viedaju. U mianie jość niekatoryja prablemy sa zdaroŭjem, pryčym surjoznyja. U mianie z chrybietnikam prablemy, i cisk skača. Ničoha dziŭnaha – rabota nervovaja. Jašče raz paŭtaru: rašeńnie pra sychod ja pryniaŭ sam, na mianie nichto nia cisnuŭ. Mahu skazać, što žonka tolki zadavolenaja. Maładym darohu treba sastupać, a źmiena ŭ mianie bolš čym hodnaja».
U 2004 hodzie za žorstki razhon mirnych demanstracyj i źbićcio ludziej Jury Padabied byŭ adnym ź pieršych, kaho ŭnieśli ŭ śpis nievyjaznych u krainy Eŭrasajuzu i ZŠA.
Novy kiraŭnik specnazu pa nacyjanalnaści nie biełarus, jon asiecin. Jurju Karajevu 42 hady. Da niadaŭniaha času jon byŭ kamandziram milicejskaj bryhady ŭ Homieli, kamandavaŭ milicejskim bataljonam u Babrujsku, byŭ kambatam u vajskovaj častcy 32-14 Dźmitryja Paŭličenki. U 1996 hodzie Karajeŭ skončyŭ Akademiju hienštabu imieni Frunze.
Takim čynam, jašče adnoj siłavoj strukturaj staŭ kiravać nie ŭradženiec Biełarusi. Varta tolki nahadać, što Radu biaśpieki ŭznačalvaje ŭradženiec Dnieprapiatroŭsku Jury Žadobin, KDB – jašče adzin syn aficera Savieckaj armii ŭradženiec Ukrainy Vadzim Zajcaŭ. Na Smalenščynie naradziŭsia ministar unutranych spravaŭ Uładzimier Navumaŭ. Słužbaj achovy prezydenta kiruje pienzieniec Andrej Uciuryn, a asabistuju achovu Łukašenki ŭznačalvaje ŭradženiec rasijskaha Kurhanu. Darečy, i na pasadzie staršyni Centravybarkamu staić dačka savieckaha aficera.
Na klučavyja siłavyja pasady padbirajucca pieravažna ludzi, jakija naradzilisia nie ŭ Biełarusi i ŭzhadoŭvalisia jak asoby nie ŭ Biełarusi. Usich hetych ludziej jadnaje traŭma ad razvału SSSR. Hetki raskład padtrymlivajecca z hodu ŭ hod. Takoha niama ni ŭ adnoj inšaj eŭrapiejskaj krainie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary