Napieradzie ANT, STV, NTV-Biełaruś i RTR-Biełaruś.
Sud aštrafavaŭ na 20 bazavych vieličyniaŭ (700 tysiač rubloŭ) 8-y i Pieršy muzyčny kanały za parušeńnie zakona «Ab rekłamie». Nahadajem, z pozvaj u sud źviarnułasia Ministerstva handlu.Telekanały abvinavacili ŭ tym, što hučnaść reklamy pieravyšaje hučnaść inšych prahram.
Jak paviedamiła namieśnik načalnika ŭpraŭleńnia abarony pravoŭ spažyŭcoŭ i kantrolu za reklamaj Minhandlu Volha Kraŭcova, rašeńniem suda jany zadavolenyja, pakolki hałoŭnym było paćvierdzić fakt parušeńniaŭ, a nie suma štrafu.
Pavodle jaje słoŭ, ciapier rychtujucca pratakoły ŭ dačynieńni da ANT, STV, NTV-Biełaruś i RTR-Biełaruś. Nieŭzabavie jany buduć pieradadzienyja ŭ sud. Jak adznačyła Kraŭcova, samaje vysokaje pieravyšeńnie hučnaści było na ANT — bolš za 3 decybieły.
Tym časam na ANT admaŭlajuć fakty pieravyšeńnia hučnaści i, niahledziačy na toje, što ŭžo aštrafavanyja 2 telekanały, pakul ničoha źmianiać nie źbirajucca. Pra heta paviedamiła pres-sakratar telekanała Alina Pravatorava.
Alina Pravatorava: «Pakul telekanał pracuje ŭ raniejšym režymie, ničoha nie źmianiajecca, tamu što niama pryčynaŭ dla taho, kab niešta mianiać. Nijakich zajaŭ, nijakich zvarotaŭ — ničoha my nie atrymlivali. Efirnyja vypuskajučyja kažuć, što ŭ nas uzrovień huku adpaviadaje normam, zakładzienym u zakonie».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary