«Vykazvańni kiraŭnictva Biełarusi ab nibyta padrychtoŭcy na terytoryi Ukrainy uzbrojenych bajevikoŭ nie adpaviadajuć rečaisnaści, źjaŭlajucca pravakacyjnymi i škodziać raźvićciu dobrasusiedskich adnosin pamiž Ukrainaj i Biełaruśsiu», — havorycca u aficyjnym kamientary na sajcie MZS Ukrainy.
«Źviartajem uvahu, što mienavita partnior Biełarusi pa Sajuznaj dziaržavie — Rasijskaja Fiederacyja ŭ ramkach hibrydnaj ahresii razharnuła jak na svajoj terytoryi, tak i na akupavanych ukrainskich ziemlach cełyja trenirovačnyja łahiery dla najmitaŭ i bajevikoŭ. Padtrymlivajučy i ekspartujučy teraryzm, Rasija metanakiravana padryvaje stabilnaść i biaśpieku ŭ rehijonie, da jakoha naležać jak Ukraina, tak i Biełaruś.
Ukraina pieradała ŭ Mižnarodny sud AAN šmatlikija dokazy padtrymki i finansavańnia RF teraryzmu na akupavanych terytoryjach Ukrainy.
My hatovyja da ciesnaha mižnarodnaha supracoŭnictva ŭ procidziejańni lubym prajavam teraryzmu, u tym liku ź Biełaruśsiu».
