1. Zajzdraść
«Boža, jak tančać kalumbijcy!»
Krychu padumaŭ i dadaŭ:
«Ja chacieŭ by pisać vieršy tak,
jak tančać kalumbijcy!»
Jašče krychu padumaŭ i dadaŭ:
«I prosta tančyć, jak kalumbijcy,
taksama chacieŭ by!»
2. Praviły darožnaha ruchu
Na skryžavańni spyniajecca matacykł.
Kiruje dziaŭčyna ŭ šałomie.
Ašałamlalna pryhožaja.
Zzadu chłopiec biez šałoma.
Siadzić i —
z ryzykaj dla žyćcia —
nie trymajecca za jaje.
I ŭsie kalumbijcy navokał
stajać i dumajuć:
«A ja b za takuju trymaŭsia.
Navat z ryzykaj dla žyćcia!»
3. Symbal miru
U samym sercy Kalumbii,
na aveniu El Colombiano
hałubka siadaje na dach,
a hołub — na hałubku.
Tut mahła być maral:
«Make love, not war!»
Ale i bieź jaje ŭsio robicca pravilna!
Kamientary