Dva biełaruskija kluby ŭ čaćvier praviali matčy ŭ adkaz pieršaha kvalifikacyjnaha raŭndu Kubku UEFA. Na žal, i «Homiel», i MTZ-RIPA spynili svaju baraćbu ŭ eŭrakubkach.
Dva biełaruskija kluby ŭ čaćvier praviali matčy ŭ adkaz pieršaha kvalifikacyjnaha raŭndu Kubku UEFA. Na žal, i «Homiel», i MTZ-RIPA spynili svaju baraćbu ŭ eŭrakubkach.
Pieršym svoj matč pravodziŭ «Homiel» z varšaŭskaj «Lehijaj». Vynik hulni ŭ Polščy pavinien byŭ abnadziejvać biełaruskich zaŭziataraŭ, bo finalny śvistok zafiksavaŭ hodnuju nulavuju ničyju. Ale realii napiaredadni sustrečy byli takimi, što hamielčuki nie mahli raźličvać na mnohich byłych lideraŭ. Kamandu pakinuŭ ceły šerah viadučych futbalistaŭ — Vasiluk, Kobiec, Drahun, Kandrašuk. U čempijanacie Biełarusi «Homiel» apuściŭsia na niazvykłaje dla siabie 13-aje miesca, i ciapier u krok ad vyletu ŭ nižejšy dyvizijon.
Zrešty, pieršy tajm krychu nadaŭ aptymizmu. Bliskučaja pieradača kamerunca Ryčarda Bachomy znajšła adrasata ŭ vyhladzie brazylca Renana Bresana, i toj katnuŭ miač miž noh słavackaha bramnika polskaj kamandy — 1:0. Ale praź šeść chvilin usio toj ža Bachoma sfaliŭ u svajoj štrafnoj. Ihar Łohvinaŭ, chacia i ŭhadaŭ kudy budzie bić Ivański, ale nie daciahnuŭsia da miača — 1:1.
U druhim tajmie palaki absalutna zasłužana zabili jašče try hały i pieramahli ź likam 4:1. Upieršyniu ŭ historyi biełaruski klub u eŭrakubkach pa sumie dvuch matčaŭ sastupiŭ polskamu.
Budučynia «Homiela» i jahonaha hałoŭnaha trenera Anatola Jureviča vielmi ćmianaja.
***
A mienski MTZ-RIPA hulaŭ u haściach z słavackaj «Žylinaj». Pieršy matč hetych kamand u biełaruskaj stalicy skončyŭsia bajavoj ničyjoj ź likam 2:2. Pryčym, hości adyhralisia z penalci na 9-aj kampensavanaj arbitram chvilinie.
U siaredzinie druhoha tajmu najlepšy bambardzir biełaruskaha čempijanatu Arciom Kancavy z dvanaccaci metraŭ trapiŭ u štanhu.
Nie zabivaješ ty - zabivajuć tabie. Staroje futbolnaje praviła spracavała i na hety raz. Haspadary zabili ŭžo ŭ dadatkovy čas – 1:0. «Žylina» kročyć dalej. A biełaruskija kluby tak nia razu i nie abyhryvali słavackija.
Barysaŭski BATE zastajecca adzinym pradstaŭnikom Biełarusi ŭ eŭrakubkach. 6 žniŭnia kamanda doma ŭ ramkach druhoha kvalifikacyjnaha raŭndu Lihi čempijonaŭ sustreniecca z belhijskim «Anderlechtam».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary