Palicyjanty dahetul nia majuć lahičnaha tłumačeńnia, jak mužčyna moh uvohule kiravać mašynaj na takim składanym kavałku darohi. Zvyčajny čałaviek, stolki vypiŭšy, tracić prytomnaść.
 |
Aŭstryjskija daišniki paraŭnali biełaruski hruzavik z bombaj na kołach.
Supracoŭniki darožnaj palicyi akruhi Imst
, što ŭ federalnaj aŭstryjskaj ziamli Tyrol, paraŭnali ŭbačanuju imi biełaruskuju furu z bombaj na kołach. Poŭnaja hruzu mašyna rabiła na trasie sapraŭdnyja «vaśmiorki». Kali furu ŭdałosia spynić i adčynić kabinu kiroŭcy, palicyjanty pačuli mocny pach alkaholu.
Jak vynikaje z palicejskaj chroniki, palicyjanty ź Imstu bačyli ŭ svajoj praktycy niamała, ale taki vypadak padaŭsia im biesprecedentnym.
Jak pakazaŭ admysłovy test, 47‑hadovy biełarus mieŭ amal 3 pramile alkaholu ŭ kryvi, što adpaviadaje prykładna 600 hramam harełki, vypitaj čałaviekam siaredniaha vieku i ciełaskładu. Dapuščalnaja ŭ Aŭstryi norma 0,5 pramile. U inšych krainach EZ taki narmatyŭny pakazčyk vahajecca pamiž 0,2 i 0,8 pramile.
Palicyjanty dahetul nia majuć lahičnaha tłumačeńnia, jak mužčyna moh uvohule kiravać mašynaj na takim składanym kavałku darohi. Jak śviedčać lekary, čałaviek u takim stanie zvyčajna tracić prytomnaść.
Pjanaha kiroŭcu aštrafavali na 1500 eŭra i pazbavili pravoŭ.
Kamientary