Minski abłasny sud vynies prysud eks-kiraŭniku Dziaržynskaha rajona Uładzimiru Tkačovu, jaki žorstka zabiŭ byłuju žonku. Abvinavačanaha prysudzili da 20 hadoŭ kałonii strohaha režymu. Raniej rodnyja achviary raspaviadali, što na ciele zabitaj ekśpierty naličyli 44 nažavyja ranieńni, piša Tut.by.
Eks-kiraŭniku Dziaržynskaha rajona Uładzimiru Tkačovu 67 hadoŭ. Pa jaho prośbie pasiadžeńnie viałosia ŭ zakrytym režymie.
Jaho sudzili pa č. 1 art. 154 (Katavańnie), č. 2 art. 377 (Kradziež i ŭtojvańnie aficyjnych dakumientaŭ, učynienyja z asabistych pamknieńniaŭ, jakija paciahnuli ciažkija nastupstvy), st. 186 (Pahroza zabojstvam), p. 6 č. 2 art. 139 Kryminalnaha kodeksa (Zabojstva, učynienaje z asablivaj žorstkaściu). Sankcyja apošniaha z artykułaŭ — až da pažyćciovaha źniavoleńnia abo rasstrełu. Adnak z ulikam uzrostu abvinavačanaha śmiarotnaje pakarańnie jamu nie pahražała.
Sud prysudziŭ Uładzimira Tkačova da 20 hadoŭ u papraŭčaj kałonii strohaha režymu. Pa č. 2 art. 377 jaho apraŭdali — vina dakazanaja nie była. Aksanie Bazyk, dačce zahinułaj, Tkačoŭ pavinien vypłacić 30 tysiač rubloŭ.
Nahadajem, trahiedyja, za jakuju sudzili Tkačova, adbyłasia ŭ žniŭni 2016-ha ŭ handlovym centry Fanipala. Jaho byłaja žonka Luboŭ Tkačova była indyvidualnym pradprymalnikam i trymała niekalki «kropak». Dniom Uładzimir Tkačoŭ pryjšoŭ da jaje ŭ bucik. Pa słovach abvinavačanaha, pamiž imi ŭźnikła svarka, u čas jakoj jon nanios byłoj žoncy mnostva nažavych ran.
Śledčyja vyśvietlili: kali Tkačovy žyli razam, muž «sistematyčna katavaŭ žonku, naŭmysna pryčyniajučy joj bol i pakuty». A paśla taho, jak jana pierajechała, ściaroh jaje, praz pahrozy sprabavaŭ adnavić adnosiny. A kab Luboŭ Ivanaŭna nie pradała dom, vykraŭ dakumienty na ŭłasnaść.
Rodnyja Tkačovaj śćviardžajuć: Luboŭ Ivanaŭna nie raz źviartałasia ŭ milicyju z zajavami na byłoha muža, ale jaho tak nichto i nie spyniŭ.
Ciapier čytajuć
U centry Minska tajamniča źnikła dačka dyrektara bujnoha ahrakompleksu10
Kamientary