Prezident Rasii Uładzimir Pucin, kažučy ab zatrymańniach udzielnikaŭ antykarupcyjnaj akcyi apazicyi 26 sakavika, nahadaŭ, što mienavita niesankcyjanavanyja akcyi pratestu pryviali da pieravarotu va Ukrainie ŭ 2014 hodzie. Jon taksama zhadaŭ padziei «arabskaj viasny», piša VVS.
«Liču niapravilnym, kali niejkija palityčnyja siły sprabujuć vykarystać heta nie dla palapšeńnia situacyi, a dla samaraskrutki napiaredadni palityčnych padziej», — skazaŭ prezident Rasii ŭ chodzie Arktyčnaha forumu ŭ Archanhielsku.
Pucin padkreśliŭ, što Rasija paśladoŭna zmahajecca z karupcyjaj i nahadaŭ, što Zachad krytykuje rasijskija zatrymańni «na fonie raspraŭ palicyi ŭ Paryžy z demanstrantami ŭ suviazi z zabojstvam adnaho z hramadzian — francuza kitajskaha pachodžańnia — prosta ŭ jaho doma».
Pavodle jaho słoŭ, baraćba z karupcyjaj pavinna vieścisia, ale hramadzianie nie pavinny vykarystoŭvacca «u vuzkakaryślivych palityčnych metach».
«Usie pavinny dziejničać u chodzie palityčnych pracesaŭ u ramkach zakona. Usie, chto vychodzić za ramki hetaha zakona, pavinny nieści pakarańnie ŭ adpaviednaści z rasijskim zakanadaŭstvam», — zajaviŭ Pucin.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary