Žycharka Rečyckaha rajona źviarnułasia ŭ milicyju z zajavaj ab kradziažy dačnaha doma, paviedamiŭ BIEŁTA aficyjny pradstaŭnik UUS Homielskaha abłvykankama Vital Prystromaŭ.
Pieršaj tryvohu z-za adsutnaści nieruchomaści zabiła susiedka paciarpiełaj pa dačnym pasiołku, raźmieščanym kala vioski Dzieražnia. Pra źniknieńnie doma jana paviedamiła haspadyni, jakaja, jak vyśvietliłasia paźniej, ź listapada 2016 hoda pa kaniec sakavika 2017 hoda na dačy nie była.
Z zajavaj ab niestandartnym kradziažy piensijanierka adpraviłasia ŭ milicyju. Na miescy złačynstva pravaachoŭniki vyjavili, što nieviadomyja vykrali adnapaviarchovy draŭlany dom ahulnaj płoščaj kala 20 kv. m. Zamiest pabudovy zastaŭsia tolki padmurak. Charakterna, što złodziei nie ŭkrali ničoha z chatnich rečaŭ i pakinuli ich unutry padmurka.
«Na padstavie ahladu ŭčastka apieratyŭnyja rabotniki zrabili vysnovu, što jon doŭha nie naviedvaŭsia, śviedčańni jakich-niebudź śladoŭ pracy budaŭničaj techniki na miescy złačynstva nie vyjaŭlena. Pa śviedčańniach adnaho z susiedziaŭ viadoma, što jašče ŭ kancy lutaha dom byŭ na miescy», — raspavioŭ Vital Prystromaŭ.
Pa fakcie kradziažu raspačataja kryminalnaja sprava pa č. 1 art. 205 KK. Apieratyŭna-vyšukovyja mierapryjemstvy praciahvajucca.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary