Kamanda piekaraŭ vyrašyła pakpić z aŭtamabilebudaŭnictva j stvaryła svoj varyjant novaj «Škody Fabii» — jadomy.
Na hety «Škoda‑tort» ŭ kandytaraŭ pajšło 100 kilahramaŭ muki j stolki sama cukrovaj pudry, 180 jajek, 30 kh mindalu, 65 kh cukataŭ i mora šakaladu.
Admietna, što majstry nia stali chavać recept łasunku j kožny achvotny moža krychu raznastajnić svoj desert.
Takim čynam,
1. Raźbicie 180 jajek, vysypcie pa 10 kh muki j cukrovaj pudry j staranna raźmiašajcie.
2. Pakładzicie ŭ čan šakalad, dadajcie 30 kilahramaŭ mindalu, 65 kh cukataŭ i ŭźbicie šakaladny soŭs — heta dla pakryćcia kuzava aŭtamabila.
3‑4 Dadajcie ŭ testa «Madejru» j vypiakajcie karžy dla šasi aŭtamabila.
5‑6 Złučycie vypiečanyja karžy z dapamohaj zahadzia astudžanaha maślanoha kremu j sfarmujcie «cieła» aŭtamabila.
7. Kali vy chočacie, kab vaš «ruchavik» «zašaptaŭ», dadajcie ŭ mator u jakaści zmazki 300 hramaŭ syropu.
8. Amatary lakrycy mohuć vykarystać jaje dla stvareńnia dvornikaŭ na vietravoj šybie dy anteny.
9. Vielmi ŭvažliva pastaŭciesia da majstravańnia kožnaha nita j śviečak zapalvańnia.
10. Naniasicie na «aŭtamabil» pakryćcio — astudžanuju pamadnuju masu, afarbavanuju 180 kilahramami pamarančavaj cukrovaj pasty, pierad hetym raskatanaj u tonkija płasty.
11. Zaraŭnujcie płasty, stvarajučy kuzaŭ.
12. Z dapamohaj kulinarnaha špryca naniasicie ružački z žele na panel kiravańnia.
13. Pastaŭcie radyjatary z 60 šakaladnych blokaŭ, fary ź ledziašoŭ i procitumannyja fary ź bieze.
14. Dla stvareńnia šynaŭ skarystajciesia šakaladnym soŭsam, astudžanym nastolki, kab trymać formu.
15. Ustaŭcie «habarytnyja ahni» z žele.
16. I narešcie dadajcie emblemu «Škody».
Mator, darečy, rekamendujecca jeści asobna ad aŭtamabila.
Kamientary