U dačynieńni da Palijenki dziejničaŭ prysud ab pazbaŭleńni voli na 2 hady z adterminoŭkaj. Ale sud pierahledzieŭ mieru strymańnia.
Dźmitry Palijenka
Raniej chłopiec byŭ pryznany vinavatym u hvałcie ŭ dačynieńni da milicyjanta i vyrabie i raspaŭsiudzie parnahrafičnych materyjałaŭ. 12 kastryčnika 2016 hoda sudździa Vadzim Jeśman daŭ Palijenku 2 hady z adterminoŭkaj.
Ale ž paśla prysudu chłopiec niekalki razoŭ pryciahvaŭsia da administracyjnaj adkaznaści. Jon atrymaŭ 15 sutak za ŭdzieł u abaronie Kurapataŭ, taksama byŭ asudžany na 7 sutak, kali pryjšoŭ na abviaščeńnie prysuda suda Pieršamajskaha rajona pa tak zvanaj «spravie antyfašystaŭ». Paśla ahučvańnia prysudu niekalki aktyvistaŭ pačali vykrykvać «Hańba!» i inšyja repliki na znak niazhody z rašeńniem sudździ adnosna pakarańnia fihurantaŭ spravy, ale zatrymany byŭ tolki Palijenka.
U vyniku, sud Zavadskoha rajona Minska skasavaŭ adterminoŭku pakarańnia. 7 krasavika z zali suda Palijenku zabrali milicyjanty. Ciapier chłopiec musić adbyć 2-hadovy termin za kratami.