U stalicy Vienhryi prajšła akcyja suprać zakryćcia Centralna-Jeŭrapiejskaha univiersiteta, zasnavanaha Džordžam Sorasam.
U mitynhu, jaki staŭ samym masavym za apošnija niekalki hadoŭ, pa padlikach arhanizataraŭ, pryniali ŭdzieł kala 70 tysiač čałaviek. Pa inšych acenak, na akcyju sabralisia bolš za 80 tysiač čałaviek.
Budapest tonight: an estimated 80,000 people protested in defence of CEU & academic freedom - photo Kettős Mérce #IstandwithCEU pic.twitter.com/8FJOxHfoVF
Centralna-Jeŭrapiejski ŭniviersitet apynuŭsia pad pahrozaj zakryćcia paśla taho, jak parłamient u pačatku krasavika pryniaŭ zakonaprajekt, jaki abaviazvaje zamiežnyja vyšejšyja navučalnyja ŭstanovy, jakija pracujuć u Vienhryi, mieć filijał u svajoj krainie.
Univiersitet, zasnavany Sorasam, maje akredytacyju ŭ ZŠA, ale dziejničaje tolki na terytoryi Vienhryi.
***
Płanujecca, što prezident Vienhryi Janaš Ader pavinien padpisać zakonaprajekt ab rabocie univiersitetaŭ u paniadziełak, paśla čaho jon ustupić u siłu. Udzielniki akcyi pratestu zapatrabavali, kab Ader nie padpisvaŭ dakumient, a nakiravaŭ jaje na razhlad u Kanstytucyjny sud.
Centralna-Jeŭrapiejski univiersitet byŭ zasnavany Džordžam Sorasam ŭ 1991 hodzie. Vykładańnie ŭ VNU viadziecca na anhlijskaj movie. Navučańnie ŭ Centralna-Jeŭrapiejskim univiersitecie adnačasova prachodziać kala 1,8 tysiačy studentaŭ, jak ź Vienhryi, tak i ź niekalkich dziasiatkaŭ inšych krain.
Kamientary