Pažar adbyŭsia dniom 7 krasavika ŭ vioscy Halimščyna Iŭjeŭskaha rajona. 30-hadovy kiroŭca pravodziŭ ramontnyja pracy — pryvarvaŭ macavańnie dla resivieraŭ. U niejki momant adbyŭsia razryŭ paliŭnaha baka, u jakim znachodziłasia kala saraka litraŭ paliva, paviedamlajecca na sajcie UMNS pa Hrodzienskaj vobłaści.
Ahoń achapiŭ hruzavy siedłavy ciahač, raspaŭsiudziŭsia na paŭpryčep i lehkavik, što stajaŭ pobač. Abiedźvie mašyny naležali mužčynu. Na im zaharełasia sintetyčnaja vopratka, skinuć jakuju dapamoh miascovy žychar.
Niahledziačy na atrymanyja apioki 1, 2 stupieni (20% cieła), kiroŭca praciahvaŭ tušyć pažar. Ciapier jon znachodzicca ŭ reanimacyjnym adździaleńni centralnaj rajonnaj balnicy.
Da miesca vykliku byli nakiravany pažarnyja raźliki i chutkaja miedycynskaja dapamoha.
Ahniom paškodžanyja bakavyja ścienki pryčepa na płoščy 5 kv. mietraŭ i zadnija koły hruzavoha aŭtamabila. Lehkavy «Miersedes» całkam źniščany pažaram.
Mierkavanaja pryčyna pažaru — nieaściarožnaje abychodžańnie z ahniom pry praviadzieńni zvaračnych rabot.
Kamientary