Rasija prapracoŭvaje pytańnie ab pradastaŭleńni Biełarusi miždziaržaŭnaha kredytu ŭ abjomie da $1 miljardaŭ dla padtrymki biudžetu hetaj krainy, zajaviŭ ministr finansaŭ Rasii Anton Siłuanaŭ.
Pavodle jaho słoŭ, pytańni kredytavańnia abmiarkoŭvalisia padčas sustrečy prezidentaŭ Rasii i Biełarusi, jakaja adbyłasia 3 krasavika, a ŭ ciapierašni čas prapracoŭkaj pytańniaŭ kredytavańnia zajmajecca Minfin.
«Da $ 1 młrd prapracoŭvajecca miždziaržaŭny kredyt na padtrymku biudžetu, płaciežnaha bałansu [Biełarusi]», - skazaŭ Siłuanaŭ.
Raniej pra toje, što kraina padtrymaje novy kredyt na $ 1 miljardaŭ, paviedamiŭ namieśnik premjer-ministra Biełarusi Uładzimir Siamaška. Pavodle jaho słoŭ, kredytavańnie budzie adkryta pa linii Jeŭrazijskaha fondu stabilizacyi i raźvićcia, a dva tranšy pa $300 młn pastupiać u krainu «na vielmi vyhadnych umovach - u dobryja terminy, pa nizkich staŭkach i hetak dalej». Akramia taho, było daručana vyłučyć «na vielmi dobrych umovach» kala $ 1 miljard kredytaŭ. Adnak kamu było dadziena takoje daručeńnie i na jakich umovach, z zajavy Siamaška nie było jasna.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ22
Kamientary