U rasparadžeńnie Jeŭraradyjo trapiła chronika padziejaŭ, składzienaja paśla krušeńnia ciahnika №3 «Maskva — Brest» na zachadzie stalicy Rasii. Dakumient apisvaje toje, što adbyvajecca ŭ elektryčcy №6919, jakaja 8 krasavika kala 22:40 sutyknułasia ź ciahnikom №3 na pierahonie Kuncava-1 — Fili.
Zdareńnie nazvanaje «niesankcyjanavanym sychodam». Z dakumienta vynikaje, što elektryčkaj kiravali dva čałavieki. Staž pracy mašynista I.V. Dziužykava — usiaho kala hoda. Ale dośvied pracy pamočnika mašynista V.A. Kielambieta našmat bolšy — kala 9 hadoŭ.
Elektryčka adpraviłasia sa stancyi «Maskva-pasažyrskaja-Smalenskaja» pa raskładzie. Praź niekalki chvilin mašynist pierakanaŭsia ŭ spraŭnaści tarmazoŭ ciahnika.
Adnak u 22:14, kali elektryčka była niedaloka ad stancyi Kuncava-1, adbyłasia niaštatnaja situacyja, jakaja pryviała da spracoŭvańnia kłapanaŭ aŭtastopu. Ciahnik spyniŭsia na tokaraździele, mašynist apuściŭ tokaprymač i pasprabavaŭ zaradzić tarmaznuju mahistral, «adpuściŭšy» tarmazy.
Ale «praź nieadklučeńnie EPK [elektrapnieŭmatyčnyja kłapany aŭtastopu. — Jeŭraradyjo]« cisk u tarmaznoj mahistrali ŭpaŭ. «Praź niaŭdałyja dziejańni mašynist Dziužykaŭ I.V. dapuściŭ spustašeńnie tarmaznoj mahistrali. Z pryčyny čaho adbyŭsia niesankcyjanavany ruch ciahnika nazad, na pierahon Kuncava — Fili z nastupnym sutyknieńniem pry chutkaści 45 km/h z łakamatyvam ciahnika №3 spałučeńniem «Maskva — Brest», — skazana ŭ chronicy. U apošnim abzacy dakumienta pieraličanyja inšyja pamyłki, dapuščanyja mašynistam.
U vyniku krušeńnia niekalki vahonaŭ syšli z rejek. Bolš za 50 čałaviek paciarpieli, 15 ź ich byli špitalizavanyja. Siarod paciarpiełych było šeść hramadzianaŭ Biełarusi. Da ranicy 9 krasavika ŭ lakarniach Maskvy zastavałasia šeść čałaviek, stan jakich aceńvaŭsia jak siarednie ciažki.
«Łakamatyŭnaj bryhady byli pryniatyja ŭsie zachady, kab pieravieści pasažyraŭ z chvastavych vahonaŭ u hałaŭnyja i paźbiehnuć ich traŭmiravańnia», — skazana ŭ chronicy. Miarkujučy pa videa, źniatym adnoj z pasažyrak elektryčki, pierad sutyknieńniem ź ciahnikom ludzi sapraŭdy paśpieli pakinuć apošnija vahony. U elektryčcy pracuje hučnaja suviaź — čuvać, jak mašynist kaža: «Ničoha nie atrymlivajecca!».
Elektryčka kacicca pa rejkach bolš za čatyry chviliny, potym adbyvajecca sutyknieńnie:
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ22
Kamientary