Siabry hramadskaj inicyjatyvy «Ekśpierty ŭ abaronu Kurapataŭ» atrymali adkaz na svoj zvarot, adrasavany ministru kultury Barysu Śviatłovu i premjer-ministru Andreju Kabiakovu.
Jany pisali čynoŭnikam pra patrebu vyznačyć novyja miežaŭ achoŭnaj zony Kurapataŭ. Hałoŭnaje patrabavańnie było — značna pašyryć terytoryju vakoł miesca pachavańnia achviaraŭ stalinskich represij, jakaja nie padlahaje nijakaj zabudovie i źmianieńniam.
Hety zvarot da ŭłady, kaža jaho inicyjatar, žurnalist i hramadski dziejač Marat Haravy, padpisali mnohija hramadskija i kulturnyja dziejačy — lidar «Maładoha frontu» Źmicier Daškievič, kiraŭnik Biełaruskaj asacyjacyi žurnalistaŭ Andrej Bastuniec, staršynia Sajuza biełaruskich piśmieńnikaŭ Barys Piatrovič, kiraŭnik Partyi BNF Alaksiej Janukievič, kiraŭnik supołki mastakoŭ «Pahonia» Ihar Maračkin…
«Naš prajekt praduhledžvaje zachavańnie Kurapataŭ, jak narodnaha miemaryjału: nie tolki jaho samaho, ale i navakolny reljef, krajavidnyja kropki, staražytnyja darohi i ściežki», — kaža Haravy.
U adkazie, jaki padpisaŭ namieśnik ministra kultury Alaksandr Jacko, adznačajecca, što Ministerstva kultury nie vyklučaje pašyreńnia achoŭnaj zony. Heta mahčyma «ŭ vypadku vyjaŭleńnia novych histaryčnych źviestak», jakija źmianiajuć ujaŭleńnie pra charaktar antrapałahičnaha ŭździejańnia na pryrodnaje asiarodździe. A taksama pry ŭmovie taho, što ŭ Ministerstva budzie pradstaŭleny prajekt, raspracavany śpiecyjalistami-architektarami, jakija majuć adpaviednyja kampietencyi.
«Heta adkryvaje fortku mažlivaściaŭ, kab zachavać Kurapaty dla budučych pakaleńniaŭ», — kaža Haravy. «Ekśpierty ŭ abaronu Kurapataŭ» užo viaduć pieramovy z architektarami, jakija mahli b adpaviednym čynam aformić prajekt, i šukajuć srodki na apłatu ich pasłuh.
Taksama siońnia stała viadoma, što budaŭnictva biznes-centr kala Kurapataŭ, jakoje vyklikała abureńnie hramadskaści, spyniajecca.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ22
Kamientary