Materyjał pryśviačajecca tym, chto ličyć biełaruskuju movu niezapatrabavanaj u śfiery hulniaŭ. U hetym materyjale my sabrali piać hulniaŭ (siarod jakich i suśvietna viadomyja), u jakija moža «rubicca» na rodnaj movie.
World of Tanks
Biełaruskaja kampanija Wargaming paličyła za honar pierakłaści svaju viadomuju hulniu «World of Tanks» na biełaruskuju movu. Zrabili jany heta jašče letaś. U hulni źjaviłasia poŭnaja biełaruskaja ahučka, a znajomyja ŭsiamu śvietu kamandy byli pierakładzienyja na movu radzimy hulni. Rodnaja mova stała dastupnaja paśla abnaŭleńnia 9.14. Padklučyŭšysia, hulec pačuje zaklik «Da boju!», a za asablivyja zasłuhi ŭ bai zmoža atrymać dobra viadomyja hanarovyja zvańni ŭ ich biełaruskim hučańni: «Vajar», «Vyviednik», «Losik» i inš.
Spampavać hulniu možna tut.
Minecraft
Adna z samych viadomych hulniaŭ u śviecie. Luby junak choć štości dy čuŭ pra hetuju hulniu. Jaje taksama pierakłali na biełaruskuju movu.
Dla tych, chto nie ŭ temie: heta svojeasablivy 8-bitny simulatar vyžyvańnia, dzie treba vykonvać peŭnyja zadańni, zdabyvać resursy, stvarać budynki, rujnavać budynki vorahaŭ, ich samich i h.d.
Biełaruskaja mova stała dastupnaja ŭ abnaŭleńni 1.9, jakoje vyjšła ŭ lutym 2016 hoda. Hulnia płatnaja, nabyć jaje možna tut.
Soldat
2D-stralałka, padobnaja na sumieś hulniaŭ Quake i Counter-Strike. Polski prahramist raspracavaŭ jaje jašče ŭ 2002 hodzie. Zadača — zarablać ački na parazie supiernika, u vas dla hetaha budzie ceły arsienał.
U hulni vy zmožacie aformić svajho hulca, abrać režym hulni — dastupnyja jak anłajn-bai, tak i z botami. A biełaruskamoŭny interfejs dapamoža vam chutčej z hetym usim razabracca. Hulnia biaspłatnaja, spampavać možna tut.
Lehiendy Ajzenvalda
Biełaruskamoŭnaja hulnia ad samaha svajho stvareńnia. «Lehiendy Ajzenvalda» zajmieli vialikuju papularnaść jašče na stadyi beta-viersii hulni. Paśla vychadu poŭnaj viersii siarod šaści moŭ interfejsu była i biełaruskaja.
Znoŭ ža, chto nie viedaje, heta taktyčnaja hulnia z peŭnym siužetam, dzie ty «vandroŭny rycar», jaki pavinien usich pieramahčy. Hulniu možna adšukać i nabyć na servisie Steam.
Zialonaja ekanomika
Skončym na mabilnaj hulni. «Zialonaja ekanomika» stvoranaja pa matyvach kłasičnaj arkady 90-ch hadoŭ. Vaša zadača — zarablać virtualnyja talery, adnačasova abierahajučy pryrodu. Dla hetaha vy pavinny prajści mini-hulni ŭ kožnaj «zialonaj» halinie — enierhietyka, turyzm, transpart i h.d. Paciešnaja hulnia ź biełaruskaj movaj.
Spampavać na svoj smartfon možna na IOS i Android.
Viedajecie jašče hulni na biełaruskaj movie? Dzialiciesia ŭ kamientach!